અમદાવાદ: દક્ષિણ અમેરિકામાં તેનો પ્રવેશ દર્શાવતી અને આંતરરાષ્ટ્રીય દરિયાઈ સેવાઓનો વિસ્તાર કરતા એક મહત્વના પગલા રુપ ભારતની સૌથી મોટી સંકલિત પરિવહન ઉપયોગિતા કંપની અદાણી પોર્ટ્સ એન્ડ સ્પેશિયલ ઇકોનોમિક ઝોન લિ. એ આર્જેન્ટિનાના પ્રથમ લિક્વિફાઇડ નેચરલ ગેસ (LNG) નિકાસ માટે ૧૦ વર્ષ દરિયાઈ સેવાઓ આપવા કરાર કર્યો છે.
સધર્ન એનર્જી S.A. (SESA) દ્વારા હાથ ધરવામાં આવેલી વૈશ્વિક સ્પર્ધાત્મક ટેન્ડર પ્રક્રિયાને અનુસરીને આર્જેન્ટિના સ્થિત મેરિડિયન ગ્રુપ સાથેના કન્સોર્ટિયમ દ્વારા અદાણી પોર્ટસ અને સેઝની સ્ટેપ-ડાઉન પેટાકંપની, ધ અદાણી હાર્બર ઇન્ટરનેશનલ FZCO ને આ કોન્ટ્રેકટ આપવામાં આવ્યો છે. આ કોન્ટ્રેક્ટ આંતરરાષ્ટ્રીય ઊર્જા લોજિસ્ટિક્સની મૂલ્યવાન હરોળમાં અદાણી પોર્ટસની હાજરી મજબૂત બનાવી વિશિષ્ટ દરિયાઈ સેવાઓમાં તેની વધતી જતી ક્ષમતાઓનો નિર્દેશ કરે છે.
આ કરાર હેઠળ આ કન્સોર્ટિયમ એન્ડ-ટુ-એન્ડ દરિયાઈ સેવાઓ પ્રદાન કરશે જેમાં LNG કેરિયર્સ માટે ટગબોટ કામગીરી, ઓફશોર લોજિસ્ટિક્સ અને સપ્લાય સપોર્ટ તેમજ ક્રૂ ટ્રાન્સફર સેવાઓનો સમાવેશ થાય છે. આ કામગીરી માટે ચાર હાઇ-સ્પેસિફિકેશન ટગબોટ, એક એન્કર હેન્ડલિંગ ટગ સપ્લાય વેસલ અને એક ક્રૂ બોટનો ઉપયોગ કરી તેને ટેકો આપવામાં આવશે.
APSEZ ના પૂર્ણ-સમયના ડિરેક્ટર અને સી.ઇ.ઓ. શ્રી અશ્વની ગુપ્તાએ જણાવ્યું હતું કે આ પ્રકલ્પ ભૌગોલિક વિસ્તારોમાં કંપનીની વધતી જતી ક્ષમતાને મોટા પાયે ઊર્જા માળખાગત પ્રકલ્પોને મજબૂત આધાર આપવા આપવાની બાબત ઉજાગર કરે છે. તેમણે કહ્યું હતું કે એક ડઝન જેટલા દેશોમાં દરિયાઈ કામગીરી LNG ટર્મિનલ્સ, રાષ્ટ્રીય તેલ કંપનીઓ, રિફાઇનરીઓ અને ઓફશોર સુવિધાઓ ઉપલબ્ધ કરાવતી દરિયાઈ સંપત્તિના વધતા કાફલા સાથે અમે જટિલ દરિયાઈ વાતાવરણમાં સક્ષમ ઓપરેશનલ કુશળતા લાવી રહ્યા છીએ. નવા ઊર્જા વેપાર કોરિડોરને સક્ષમ બનાવતી અને લાંબા ગાળાના પુરવઠાની સ્થિતિસ્થાપકતાને સંગીન બનાવતી આ ક્ષમતાઓને સ્થાનિક મજબૂત ભાગીદારી સાથે જોડીને અમે વિશ્વસનીય દરિયાઈ ઇકોસિસ્ટમનું નિર્માણ કરવામાં મદદ કરી રહ્યા છીએ.
એક મુખ્ય નવા LNG સપ્લાયર તરીકે ઉભરી રહેલા આર્જેન્ટિના સાથે આગામી ૨૦૨૭થી ભારતમાં વાર્ષિક ૧૦ મિલિયન ટન સુધીની નિકાસને ટેકો આપવા માટે કરારો થયા છે. સધર્ન એનર્જી FLNG પ્રકલ્પ વધતા આ પુરવઠાના આધારને વૈશ્વિક માંગના કેન્દ્રો સાથે જોડવામાં મહત્વપૂર્ણ ભૂમિકા અદા કરશે તેવી અપેક્ષા છે.
ગોલર LNG અને પાન અમેરિકન એનર્જી (PAE) વચ્ચેનું સંયુક્ત સાહસ એવા SESA દ્વારા સધર્ન એનર્જી FLNG પ્રકલ્પ વિકસાવવામાં આવી રહ્યો છે. આર્જેન્ટિનાના રિઓ નેગ્રો પ્રાંતમાં સાન માટિયાસ ગલ્ફમાં સ્થિત, આ પ્રકલ્પ ફ્લોટિંગ લિક્વિફાઇડ નેચરલ ગેસ (FLNG) જહાજ હિલી એપિસેયોમાંથીર જનરલ સાન માર્ટિન પાઇપલાઇનમાંથી કુદરતી ગેસ પ્રવાહીમાં રુપાંતર કરશે જેની વાણિજ્યિક કામગીરી સપ્ટેમ્બર ૨૦૨૭માં શરૂ થવાની ધારણા છે.
પ્રથમ તબક્કામાં આ પ્રકલ્પ વાર્ષિક ૨.૪૫ મિલિયન ટન LNG ઉત્પાદન કરશે તેવી અપેક્ષા છે, જે પ્રતિ વર્ષ આશરે ૨૮ કાર્ગોની સમકક્ષ આ પ્રકલ્પ આર્જેન્ટિનાને પ્રથમ કાર્યરત LNG નિકાસલક્ષી બનાવે છે.
મેરિડિયન ટ્રાન્સપોર્ટેસ મેરિટિમોસ એસ.એ. દ્વારા અમલમાં મૂકવામાં આવનારો આ કરાર અદાણી હાર્બર ઇન્ટરનેશનલ એફઝેડકો અને મેરિડિયન ગ્રુપ વચ્ચે ૫૧:૪૯ની ભાગીદારીનું સંયુક્ત સાહસ છે.
