ધારાવી પુનર્વિકાસ પ્રોજેક્ટ માટે સ્વેચ્છાએ પોતાના ઘર ખાલી કરનારા અને ભાડાના કરાર પર હસ્તાક્ષર કરનારા આઝાદ નગર A અને B વોર્ડ, આઝાદ નગર C વોર્ડ, SVP નગર અને કમલા રમણ નગરના 480થી વધુ પરિવારોની મુલાકાત DRP/SRA અને NMDPLના અધિકારીઓએ એક સંપર્ક પહેલ (આઉટરીચ પહેલ)ના ભાગરૂપે લીધી હતી.
આ મુલાકાત દરમિયાન, NMDPLના અધિકારીઓએ ડિમાન્ડ ડ્રાફ્ટ (DD) દ્વારા 12 મહિનાનું ભાડું અગાઉથી ચૂકવ્યું હતું. રહેવાસીઓને એક મહિનાની બ્રોકરેજ અને સ્થળાંતરના ખર્ચ પેટે એકવારની રકમ તરીકે રૂ. 5,000 પણ આપવામાં આવ્યા હતા, જ્યારે ભવિષ્યનું માસિક ભાડું વાર્ષિક 5%ના વધારા સાથે સીધું ઘરના વડા (HOH)ના બેંક ખાતામાં જમા કરવામાં આવશે.
આ જમીનનો ઉપયોગ મહત્વપૂર્ણ માળખાગત સુવિધાઓ અને તે જ સ્થળે પુનર્વસન (ઇન-સિટુ રિહેબિલિટેશન) માટે કરવામાં આવશે. કામચલાઉ પુનર્વસનની સમગ્ર પ્રક્રિયા કાળજી, આદર અને ગરિમા સાથે હાથ ધરવામાં આવી રહી છે.
