શિવપુરી (મધ્યપ્રદેશ): અદાણી એન્ટરપ્રાઇઝ લિ. (AEL) હસ્તકના સંરક્ષણ અને એરોસ્પેસ અંગ અદાણી ડિફેન્સ એન્ડ એરોસ્પેસે મધ્યપ્રદેશના શિવપુરીમાં રુ.૨,૫૦૦ કરોડના રોકાણથી દક્ષિણ એશિયાની ખાનગી ક્ષેત્રની સૌથી મોટી મિસાઇલ ઇકોસિસ્ટમનું નિર્માણ કરવા માટેના પ્રકલ્પનો આજે શિલાન્યાસ કર્યો હતો. કરશે.
સૌ પ્રથમવાર એક જ સ્થળે કમ્પોઝિટ પ્રોપેલન્ટ અને ટ્રિનિટ્રોટોલ્યુએન (TNT) ના ઉત્પાદન સાથેની અદ્યતન મિસાઇલ ઇકોસિસ્ટમ, ભારતના ખાનગી ક્ષેત્રમાં એક ઉચ્ચ કક્ષાની ક્ષમતાનું સર્જન કરશે.
મધ્યપ્રદેશને અગ્રણી સંરક્ષણ હબ તરીકે સ્થાપવાની દિશામાં આગળ વધનાર આ પ્રકલ્પમાં થનારા રોકાણ મારફત પ્રત્યક્ષ અને પરોક્ષ મળી ૫,૦૦૦ કુશળ નોકરીઓનું સર્જન કરવા સાથે સૂક્ષ્મ, નાના અને મધ્યમ ઉદ્યોગોના વિકાસના નવા દ્વાર ખોલશે. શિવપુરીમાં આકાર લેનાર આ પ્રકલ્પ અતિ મહત્વની સામગ્રીના ઉત્પાદન સાથે સિસ્ટમનું એકીકરણ કરીને ભારતની સંરક્ષણ પુરવઠા હરોળમાં પ્રવર્તતા લાંબા સમયના શૂન્યવકાશને ભરશે પરિણામે ભારતીય સશસ્ત્ર દળો સ્વદેશી મિસાઇલ સિસ્ટમ્સને મોટા પાયે સામેલ કરી શકશે.
મધ્યપ્રદેશના મુખ્યમંત્રી ડૉ.મોહન યાદવે આ વિરાટ રોકાણને આવકારતા જણાવ્યું હતું કે “આ રોકાણ વ્યૂહાત્મક ઉત્પાદનના સ્થળ તરીકે મધ્ય પ્રદેશની એક પસંદગીના સ્થળની ઓળખને મજબૂત બનાવે છે. તેમણે ઉમેર્યું હતું કે ભારતની અતિ મહત્વની સ્વદેશી સંરક્ષણ ઇકોસિસ્ટમને મજબૂત બનાવવા સાથે આ પ્રકલ્પ ઔદ્યોગિક વિકાસને વેગવંતો બનાવશે તેથી રાજ્યમાં વધુ મોટા રોકાણોને આકર્ષશે.
ગુનાના સંસદ સભ્ય અને કેન્દ્રીય મંત્રી શ્રી જ્યોતિરાદિત્ય સિંધિયાએ આ પ્રદેશની પરિવર્તનશીલ અસર પર પ્રકાશ પાડતા જણાવ્યું હતું કે સીમાચિહ્ન સમો આ પ્રકલ્પ શિવપુરી-ગુના ક્ષેત્ર માટે એક વિશિષ્ટ ઔદ્યોગિક અધ્યાય લખવાની શરૂઆત કરે છે. તેમણે વધુમાં કહ્યું હતું કે આપણા રાજ્યની ધરતીમાં આ અદ્યતન સંરક્ષણ ઉત્પાદન એકમ ઉચ્ચ ગુણવત્તાની રોજગારીની તકોનું નિર્માણ કરી ભવિષ્યની એક મજબૂત ઔદ્યોગિક ઇકોસિસ્ટમનું નિર્માણ કરશે.
આ પ્રસંગે અદાણી ડિફેન્સ એન્ડ એરોસ્પેસના ડિરેક્ટર શ્રી જીત અદાણીએ જણાવ્યું હતું કે, “આજે વાસ્તવમાં એક મહત્વના કાર્યની શરૂઆત થઇ છે. તેમણે કહ્યું હતું કે એક જ સ્થળે મિસાઇલ સિસ્ટમ સંકલિત કરીને અદ્યતન મિસાઇલ સિસ્ટમના નિર્માણ માટે જરૂરી સામગ્રીના ઉત્પાદનને સાંકળી લેતો આ પ્રકલ્પ દક્ષિણ એશિયાની ખાનગી ક્ષેત્રની સૌથી મોટી મિસાઇલ ઇકોસિસ્ટમ બનાવશે. જીત અદાણીએ ઉમેર્યું હતું કે ભારતની સંરક્ષણ તૈયારીઓને મજબૂત બનાવી આપણી સાર્વભૌમ ક્ષમતાને મધ્યપ્રદેશમાં લાવવા ઉપરાંત ભારતને આ ક્ષેત્રમાં આત્મ નિર્ભર બનાવવામાં યોગદાન આપવા માટે અમારા માટે આ ગૌરવની ક્ષણ છે.
અદાણી પોર્ટ્સ એન્ડ સ્પેશિયલ ઇકોનોમિક ઝોન લિ.ના મેનેજિંગ ડિરેક્ટર અને અદાણી સિમેન્ટના ડિરેક્ટર શ્રી કરણ અદાણી તથા રાજ્યના ઉર્જા મંત્રી શ્રી પ્રદ્યુમન સિંહ તોમર આ કાર્યક્રમમાં ઉપસ્થિત રહ્યા હતા.
એકસાથે બહુવિધ મિસાઇલ કાર્યક્રમોને આધાર આપનાર આ સુવિધા અદ્યતન ઉત્પાદન તકનીકો, સ્વચાલિત ઉત્પાદન પ્રણાલીઓ અને વૈશ્વિક સ્તરે સ્થાપિત બેન્ચમાર્ક અનુસારના સલામતી ધોરણોને એક બીજા સાથે સંકલિત કરશે જે ભારતીય સશસ્ત્ર દળો તેમજ વિશ્વસનીય આંતરરાષ્ટ્રીય ભાગીદારોની જરૂરિયાતોને પૂરી થવા ઉપરાંત ભારતની વ્યૂહાત્મક સંરક્ષણ ઔદ્યોગિક ક્ષમતાઓ અને ચોકસાઇ-માર્ગદર્શિત દારૂગોળાના વિશ્વસનીય સપ્લાયર તરીકે દેશની સ્થિતિને શક્તિશાળી બનાવશે.
સન ૨૦૨૦થી ગ્વાલિયરમાં અદાણી ડિફેન્સ એન્ડ એરોસ્પેસે ભારતની સંરક્ષણ ઉત્પાદન ક્ષમતાઓમાં રાજ્યના યોગદાનને મજબૂત બનાવતી નાના શસ્ત્રોની એક સંગીન ઇકોસિસ્ટમ વિકસાવી છે. આ સુવિધા મારફત ભારતીય સશસ્ત્ર દળોને પિસ્તોલ, લાઇટ મશીનગન, કાર્બાઇન્સ, એસોલ્ટ રાઇફલ્સ અને અન્ય અદ્યતન નાના શસ્ત્રોની સિસ્ટમ્સ જેવા હથિયારો પૂરા પાડવામાં આવી રહ્યા છે. રાજ્ય સરકારના મજબૂત સમર્થન અને માર્ગદર્શનના કારણે ગ્વાલિયર સંકુલ સંરક્ષણ ઉત્પાદનમાં ભારતની આત્મનિર્ભરતા માટેના અભિયાનમાં એક મુખ્ય સ્તંભ તરીકે ઉભરી આવ્યું છે.
અદાણી ડિફેન્સ એન્ડ એરોસ્પેસ સાથે ભાગીદારીમાં હાથ ધરવામાં આવેલા સંરક્ષણ સંશોધન અને વિકાસ સંગઠન (DRDO) ના સફળ પરીક્ષણો પછી ભારતની સ્વદેશી મિસાઇલ યાત્રામાં એક મહત્વપૂર્ણ તબક્કે પહોંચેલું આ રોકાણ આગામી પેઢીની અનેક મિસાઇલ સિસ્ટમ્સના ઉત્પાદનની દિશામાં આગળ વધી રહ્યું છે, જેમાં નેક્સ્ટ જનરેશન એન્ટિ-રેડિયેશન મિસાઇલ (NGARM), RUDRAM-II, નેવલ એન્ટી-શીપ મિસાઇલ-શોર્ટ રેન્જ (NASM-SR), લોંગ-રેન્જ ગ્લાઇડ બોમ્બ (LRGB ‘ગૌરવ’) અને ટેક્ટિકલ ઓટોનોમસ રિકોનિસન્સ એન્ડ એટેક (TARA) સિસ્ટમ શામેલ છે.
