અદાણી ગ્રુપની કંપનીઓએ ૨૦૨૪-૨૫ના નાણાકીય વર્ષ દરમિયાન કુલ ૭૪,૯૪૫ કરોડ રૂપિયાનો ટેક્સ ચૂકવ્યો હતો, જે ૨૦૨૩-૨૪ના નાણાકીય વર્ષ દરમિયાન ચૂકવવામાં આવેલા ટેક્સ કરતાં લગભગ ૨૯ ટકા વધુ છે. ગ્રુપે ૨૦૨૩-૨૪ના નાણાકીય વર્ષમાં કુલ ૫૮,૧૦૪ કરોડ રૂપિયાનો ટેક્સ ચૂકવ્યો હતો. અદાણી ગ્રુપ દ્વારા ચૂકવવામાં આવેલા ૭૪,૯૪૫ કરોડ રૂપિયાના ટેક્સમાં પ્રત્યક્ષ અને પરોક્ષ કર તેમજ કર્મચારીઓની સામાજિક સુરક્ષા માટે કરવામાં આવેલા ચુકવણીનો સમાવેશ થાય છે. તમને જણાવી દઈએ કે નાણાકીય વર્ષ ૨૦૨૩-૨૪ના ચોથા ક્વાર્ટરમાં તેના ઉત્તમ પ્રદર્શનના આધારે ગ્રુપે જબરદસ્ત નફો કર્યો હતો.
સૌથી વધુ ટેક્સ ચૂકવતી કંપનીઓમાં કયા નામોનો સમાવેશ થાય છે?
અદાણી ગ્રુપે એક નિવેદનમાં જણાવ્યું હતું કે, “નાણાકીય વર્ષ 2025 (એપ્રિલ 2024 થી માર્ચ 2025) માટે લિસ્ટેડ કંપનીઓ દ્વારા સરકારી તિજોરીમાં અદાણી ગ્રુપનું કુલ યોગદાન 29 ટકા વધીને રૂ. 74,945 કરોડ થયું છે, જે નાણાકીય વર્ષ 2023-24 માં રૂ. 58,104 કરોડ હતું.” ગ્રુપે જણાવ્યું હતું કે તેની લિસ્ટેડ કંપનીઓ, અદાણી એન્ટરપ્રાઇઝ લિમિટેડ (AEL), અદાણી સિમેન્ટ લિમિટેડ (ACL), અદાણી પોર્ટ્સ એન્ડ સ્પેશિયલ ઇકોનોમિક ઝોન (APSEZ) અને અદાણી ગ્રીન એનર્જી લિમિટેડ (AGEL) એ સૌથી વધુ કર ચૂકવ્યો છે.
7 લિસ્ટેડ કંપનીઓ
કંપનીના નિવેદનમાં કહેવામાં આવ્યું છે કે, “આમાં જૂથની 7 લિસ્ટેડ કંપનીઓ – અદાણી એન્ટરપ્રાઇઝ લિમિટેડ, અદાણી પોર્ટ્સ એન્ડ સ્પેશિયલ ઇકોનોમિક ઝોન લિમિટેડ, અદાણી ગ્રીન એનર્જી લિમિટેડ, અદાણી એનર્જી સોલ્યુશન્સ લિમિટેડ, અદાણી પાવર લિમિટેડ, અદાણી ટોટલ ગેસ લિમિટેડ અને અંબુજા સિમેન્ટ્સ લિમિટેડ દ્વારા જારી કરાયેલા સ્વતંત્ર વાર્ષિક અહેવાલોનો ડેટા શામેલ છે.” આ આંકડામાં ત્રણ અન્ય લિસ્ટેડ કંપનીઓ NDTV, ACC અને Sanghi Industries દ્વારા ચૂકવવામાં આવતા ટેક્સનો પણ સમાવેશ થાય છે જે ઉપરોક્ત 7 કંપનીઓ દ્વારા નિયંત્રિત છે.
આજે અદાણી ગ્રુપના શેરની સ્થિતિ
ગુરુવારે અદાણી ગ્રુપની મોટાભાગની કંપનીઓના શેરમાં સારો ઉછાળો જોવા મળી રહ્યો છે. અદાણી એન્ટરપ્રાઇઝ લિમિટેડ, અદાણી પોર્ટ્સ અને સ્પેશિયલ ઇકોનોમિક ઝોન, અદાણી ગ્રીન એનર્જી લિમિટેડ, અદાણી પાવર, અદાણી ગ્રીન સોલ્યુશન્સ, અદાણી ટોટલ ગેસ, ACC લિમિટેડ, અંબુજા સિમેન્ટ્સના શેરમાં વધારો જોવા મળી રહ્યો છે.
