ભારતનાં પૂર્વ રાષ્ટ્રપતિ અને મિસાઈલ મેન ડો.એપીજે અબ્દુલ કલામનું જીવન લોકોને ઘણું પ્રેરિત કરે છે. મોટાભાગના લોકો પુસ્તકો દ્વારા તેમના જીવન વિશે જાણે છે, પરંતુ હવે આ હીરોની વાર્તાને મોટા પડદા પર જોવાની તક મળી રહી છે.
ભારતનાં રાષ્ટ્રપતિ તરીકે ડો.એ.પી.જે. અબ્દુલ કલામની નિમણૂંક કરવામાં આવે તેવી ભારતમાં લાંબા સમયથી માંગ હતી. અબ્દુલ કલામ પર બાયોપિક બનાવવી જોઈએ જે લોકોને પ્રેરણા આપે. સાથે જ લોકોની આ ઈચ્છા નેશનલ ફિલ્મ એવોર્ડ વિનર અને સાઉથ સ્ટાર ધનુષે પૂરી કરી છે, જે ટૂંક સમયમાં આદિપુરુષના ડાયરેક્ટરના સહયોગથી આ ફિલ્મ પર કામ કરશે.
ડો.એપીજે અબ્દુલ કલામ બનશે ધનુષ
તમે જાણો છો કે ધનુષ કેટલો સારો અભિનેતા છે ધનુષ ’રાંઝણા’ જેવી ફિલ્મોથી લઈને અત્યાર સુધીમાં અનેક સરસ પાત્રો ભજવી ચૂકયો છે. હવે તે પડદા પર ડો કલામનો રોલ કરશે. અભિનેતા તેની બાયોપિક “કલામ: ધ મિસાઇલ મેન ઓફ ઇન્ડિયા” માં અબ્દુલ કલામની ભૂમિકા નિભાવવા માટે તૈયાર છે, જેનું અનાવરણ કાન્સ ફિલ્મ ફેસ્ટિવલમાં કરવામાં આવ્યું છે.
ધનુષે પણ પોતાના ઓફિશિયલ ઇન્સ્ટાગ્રામ પર આ પોસ્ટ શેર કરી છે અને કેપ્શનમાં લખ્યું છે, “હું ખૂબ જ ધન્યતા અનુભવું છું, કારણ કે મને અમારા ઉદાર અને પ્રેરણાદાયી નેતા ડો.એપીજે અબ્દુલ કલામની વાર્તાને મોટા પડદા પર લાવવાની તક મળે છે.
આ પ્રોજેક્ટનું દિગ્દર્શન ઓમ રાઉત કરશે
આ પ્રોજેક્ટનું દિગ્દર્શન ઓમ રાઉત કરશે, જેમની છેલ્લી ફિલ્મ આદિપુરુષ ખૂબ જ ફ્લોપ નીવડી હતી અને એ માટે એની ઘણી ટીકા થઇ હતી. જો કે આ દરમિયાન તેની સારી ફિલ્મોને નજરઅંદાજ કરવી ખોટી વાત હશે. તેમણે “તાન્હાજી: ધ અનસંગ વોરિયર” માટે રાષ્ટ્રીય માન્યતા મેળવી હતી, જ્યારે “નીરજા” અને “મૈદાન” લેખક સૈવિન ક્વાડ્રાસ સ્ક્રિપ્ટ લખશે.
આ ફિલ્મમાં કલામની જીવનયાત્રા દર્શાવવામાં આવશે. આ ફિલ્મમાં કલામની નમ્ર શરૂઆતથી લઈને “ભારતના મિસાઇલ મેન” અને આખરે દેશના 11 મા રાષ્ટ્રપતિ બનવા સુધીની સફરને દર્શાવવામાં આવશે. આ બાયોપિક કલામના બેસ્ટ સેલિંગ સંસ્મરણ “વિંગ્સ ઓફ ફાયર”થી પ્રેરિત છે.
