અમદાવાદ: 12 જૂન 2025ના રોજ અમદાવાદમાં થયેલા એર ઇન્ડિયા વિમાન દુર્ઘટનાના કેસમાં એરક્રાફ્ટ એક્સિડન્ટ ઇન્વેસ્ટિગેશન બ્યુરો (AAIB-AAIB report on Air India Plane crash) નો રિપોર્ટ આવ્યો છે. આ રિપોર્ટમાં વિમાન દુર્ઘટના અંગે ફ્લાઇટમાં શું થયું હતું તે અંગે ઘણા ખુલાસા કરવામાં આવ્યા છે.
AAIB રિપોર્ટમાં જાણવા મળ્યું છે કે પાઇલટ્સે છેલ્લી ક્ષણ સુધી બંને એન્જિન શરૂ કરવાનો પ્રયાસ કર્યો હતો અને ઓછામાં ઓછા એક એન્જિન (એન્જિન-1)માં રિકવરી શરૂ થઈ ચૂકી હતી. પરંતુ એન્જિન 2 પોતાને નિયંત્રિત કરી શક્યું નહીં.
AAIBના રિપોર્ટમાં મહત્વના ખુલાસા
AAIB રિપોર્ટમાં જાણવા મળ્યું છે કે પાઇલોટ્સે ‘MAYDAY’ કોલ આપ્યો તેની થોડીક સેકન્ડો પહેલાં જ પ્લેનને બચાવવા માટે છેલ્લો પ્રયાસ કરવામાં આવ્યો હતો.
છેલ્લી ઘડીએ શું થયું?
રિપોર્ટ અનુસાર, “મેડે” કોલ આવ્યો તેની માત્ર 13 સેકન્ડ પહેલા, પાઇલોટે એન્જિન ફ્યુઅલ કંટ્રોલ સ્વીચને “કટઓફ” થી “રન” પર પાછી આપી હતી, જેનો અર્થ એ કે એન્જિનને ફરીથી શરૂ કરવાની પ્રક્રિયા શરૂ થઈ હતી.
- બપોરે 1:38:52 વાગ્યે, એન્જિન 1 ના ફ્યુઅલ સ્વીચને “રન” પર લાવવામાં આવ્યું.
- બપોરે 1:38:54 વાગ્યે, APU (સહાયક પાવર યુનિટ) ઇનલેટ ડોર ખુલવાનું શરૂ થયું, જેનાથી એન્જિન સ્ટાર્ટ પ્રક્રિયા સક્રિય થઈ.
- બપોરે 1:38:56 વાગ્યે, એન્જિન 2 પણ “રન” પર સ્વિચ કરવામાં આવ્યું હતું.
આ પ્રક્રિયા હેઠળ FADEC (ફુલ ઓથોરિટી ડિજિટલ એન્જિન કંટ્રોલ) સિસ્ટમ આપોઆપ બળતણ અને ઇગ્નીશનનું નિયંત્રણ લે છે. બંને એન્જીનોએ EGT (એક્ઝોસ્ટ ગેસ ટેમ્પરેચર) માં તીવ્ર વધારો દર્શાવ્યો – એક રિલાઇટનો સંકેત.
એન્જિન 1 શરૂ થઈ રહ્યું હતું, એન્જિન 2 નિષ્ફળ થયું
એન્જીન 1 ની કોર ડીલેરેશન બંધ થઈ ગઈ, અને એન્જીન ચાલુ થઈ ગયું. એન્જિન 2 પણ રિલાઇટ થયું, પરંતુ તેની કોર સ્પીડ જાળવી શકાઈ નહીં, અને ઇંધણને વારંવાર ઇન્જેક્ટ કરવામાં આવ્યું, પરંતુ એન્જિન સંપૂર્ણ રીતે પુનઃપ્રાપ્ત થઈ શક્યું નહીં.
રેકોર્ડિંગ ક્યારે બંધ થયું?
EAFR (એન્જિન એરક્રાફ્ટ ફ્લાઇટ રેકોર્ડર) નું રેકોર્ડિંગ 1:39:11 વાગ્યે બંધ થઈ ગયું – એટલે કે જ્યારે છેલ્લો તકનીકી ડેટા રેકોર્ડ કરવામાં આવ્યો.
આ દુર્ઘટનામાં 260 લોકોના મોત
વિમાન દુર્ઘટના સમયે વિમાનમાં કુલ 242 લોકો સવાર હતા, જેમાં 230 મુસાફરો અને 12 ક્રૂ સભ્યોનો સમાવેશ થાય છે. આ અકસ્માતમાં માત્ર એક મુસાફરનો જીવ બચી શક્યો હતો. આ સિવાય પ્લેનનો કાટમાળ એક હોસ્ટેલ અને આસપાસની ઈમારતો પર પડતાં 19 લોકોના મોત થયા હતા. આ અકસ્માતમાં કુલ 260 લોકોના મોત થયા હતા.
