- “હરિત પર્યાવરણની એક પહેલ” અંતર્ગત વિવિધ કાર્યક્રમોનું આયોજન
- હઝીરા પોર્ટ, લવાછા અને ઝુમાવાડી ખાતે વૃક્ષારોપણ અભિયાન
- નવચેતન સ્કૂલ ખાતે વિદ્યાર્થીઓ માટે પર્યાવરણ જાગૃતિના કાર્યક્રમો
- સુવાલી બીચ ક્લીનિંગ ડ્રાઇવ, પ્લાસ્ટિક પ્રદૂષણના દુષ્પ્રભાવ અંગે રેલી
- #BeatPlasticPollution થીમ અંતર્ગત પ્લાસ્ટિક પ્રદૂષણ સામે લડત
- સહભાગીઓએ પ્રકૃતિની સંભાળની પ્રતિજ્ઞા લીધી
- 2026 સુધીમાં ઉમરપાડા અને હજીરામાં 10,000+ વૃક્ષારોપણનું લક્ષ્યાંક
સુરત: અદાણી ફાઉન્ડેશન હજીરા દ્વારા પર્યાવરણીય અને જાગૃતિમુલક પ્રવૃત્તિઓ દ્વારા વિશ્વ પર્યાવરણ દિનની ઉજવણી કરવામાં આવી હતી. પર્યાવરણ સંરક્ષણ માટે પ્રતિબદ્ધતા દર્શાવવા હજીરા કાંઠા વિસ્તાર તેમજ ઉમરપાડા તાલુકામાં વૃક્ષારોપણ, બીચ ક્લીનીંગ, તેમજ પ્લાસ્ટિક પ્રદૂષણ સામે લડત જેવી વિવિધ પ્રવૃત્તિઓ થકી લોકજાગૃતિ માટે અભિયાન ચલાવવામાં આવ્યું હતું.
હજીરા કાંઠા વિસ્તારની બહેનો અને બાળકો તેમજ ઉમરપાડાની આદિવાસી બહેનો સાથે વિશ્વ પર્યાવરણ દિવસની ઉજવણી નિમિત્તે વિવિધ પ્રવૃત્તિઓનું આયોજન કરવામાં આવ્યું હતું. હરિયાળા વર્તમાન અને ભવિષ્યના ઉદ્દેશથી 3 જૂનના રોજ હઝીરા પોર્ટ પર AHPL સ્ટાફ સાથે વૃક્ષારોપણ અભિયાન યોજાયું હતું.
“હરિત પર્યાવરણની એક પહેલ” હેઠળ ઝુમાવાડી ખાતે ફાઉન્ડેશનની ટીમ દ્વારા મહિલા મંડળ, સ્થાનિક ખેડૂતો અને પંચાયતના પ્રતિનિધિઓની હાજરીમાં વૃક્ષારોપણ કરવામાં આવ્યું. જેમાં પ્રત્યેક વ્યક્તિએ પ્રકૃતિની સંભાળની પ્રતિજ્ઞા લીધી હતી. આ વિસ્તારમાં 2026 સુધીમાં 5,000 વૃક્ષો વાવવાના લક્ષ્યાંક તરફનું આ અભિયાન પ્રથમ પગથીયું છે.
#BeatPlasticPollution થિમ અંતર્ગત પ્લાસ્ટિક પ્રદૂષણ સામે લડત ચલાવવા 5મી જૂને નવચેતન સ્કૂલ ખાતે પર્યાવરણ જાગૃતિ કાર્યક્રમ યોજાયો. જેમાં 4R પદ્ધતિ (Reduce, Reuse, Recycle, Refuse) અંગે માહિતી આપી વિદ્યાર્થીઓને પ્લાસ્ટિકના સંયમી ઉપયોગ માટે પ્રતિજ્ઞા લેવડાવાઈ.
ઝુમાવાડી, ઘાણાવડ અને આંધળી કુવા ગામોની મહિલાઓએ દેવઘાટ ઇકો ટુરિઝમ ખાતે પ્લાસ્ટિક પ્રદૂષણ સામે જાગૃતિ લાવવા સફાઈ અભિયાનમાં ભાગ લીધો. તેમણે પ્લાસ્ટિક બોટલ, રેપર્સ અને અન્ય કચરો ભેગો કરી સાઇટને સ્વચ્છ રાખવાની અપીલ કરી.
ડિસેમ્બર 2024માં લવછા ગામમાં 15 એકર જમીન પર 1,000 વૃક્ષારોપણ કરવામાં આવ્યું હતું. જેમાં રેઇનટ્રી, પેલ્ટો, ઉમરું, સિરસ, વટવૃક્ષ, કરંજ અને અર્જુન જેવી લાંબો સમય જીવી શકે તેવા વૃક્ષોની પસંદગી કરાઈ હતી. આ વિસ્તારને કોમ્યુનિટી ફોરેસ્ટ તરીકે વિકસિત કરવા 8થી 10 ફૂટ સુધી ઉછરેલા આ ઘટાદાર વૃક્ષોની માવજત આગામી ત્રણ વર્ષ સુધી અદાણી ફાઉન્ડેશન દ્વારા કરવામાં આવશે.
અદાણી ફાઉન્ડેશન હજીરાએ વર્ષ 2026 સુધીમાં ઉમરપાડા અને હજીરા વિસ્તારમાં કુલ 10000 થી વધુ વૃક્ષોનું વાવેતર કરવાનો લક્ષ્યાંક રાખ્યું છે.
અદાણી ફાઉન્ડેશન વિશે:
અદાણી ફાઉન્ડેશન ગ્રામીણ અને શહેરી સમુદાયોના સમાવેશી અને ટકાઉ વિકાસ દ્વારા રાષ્ટ્ર નિર્માણમાં યોગદાન આપે છે. 1996 થી ફાઉન્ડેશન શિક્ષણ, આરોગ્ય, ટકાઉ આજીવિકા, કૌશલ્ય વિકાસ અને સામુદાયિક ઇન્ફ્રાસ્ટ્રક્ચર સહિતના મુખ્ય ક્ષેત્રોમાં કાર્યરત છે. રાષ્ટ્રીય પ્રાથમિકતાઓ અને વૈશ્વિક સસ્ટેનેબલ ડેવલપમેન્ટ ગોલ્સ (SDGs) પર આધારિત તેની વ્યૂહરચનાઓ સાથે ફાઉન્ડેશન તેના નવીન અભિગમ અને ટકાઉપણા પર ધ્યાન કેન્દ્રિત કરવા માટે જાણીતું છે. હાલમાં તે 21 રાજ્યોમાં 7,060 ગામડાઓમાં કાર્યરત છે, જે 9.6 મિલીયન લોકોને સ્પર્શે છે.
માધ્યમોની વિશેષ માહિતી માટે સંપર્ક રોય પૌલ: [email protected]
