અમદાવાદઃ ગુજરાતના હડપ્પન સંસ્કૃતિના કેન્દ્ર એવા લોથલમાં એક મોટી દુર્ઘટના સામે આવી છે. ભારતીય પુરાતત્વ સર્વેક્ષણ (ASI)ની બે મહિલા અધિકારીઓ બુધવારે માટી ધસી પડવાને કારણે દટાઈ ગઈ હતી. જેમાં એક મહિલાનું મોત થયું હતું. પુરાતત્વીય સ્થળ પર મ્યુઝિયમ બનાવવામાં આવી રહ્યું છે. મળતી માહિતી મુજબ, અકસ્માતનો ભોગ બનેલી બંને મહિલાઓ દિલ્હીથી ગુજરાતના લોથલ પહોંચી હતી.
અચાનક માટી ધસી પડી
મળતી માહિતી મુજબ, દિલ્હીથી પુરાતત્વીય સ્થળ પર પહોંચેલી બે મહિલા અધિકારીઓ કાદવમાં દટાઈ ગઈ હતી. જેમાંથી એક અધિકારીનું મોત થયું છે, જ્યારે એક ગંભીર રીતે ઘાયલ છે. મહિલા અધિકારી માટીના નમૂના લઈ રહી હતી ત્યારે આ અકસ્માત થયો હતો. આ દરમિયાન માટી સરકી ગઈ હતી. બંને મહિલા અધિકારીઓ કાદવમાં દટાઈ ગઈ.
મહિલા અધિકારીનું મોત
સુરભી વર્મા નામની મહિલા અધિકારીનું મોત થયું છે, જ્યારે યમા દીક્ષિત નામની મહિલા અધિકારીની હાલત નાજુક હોવાનું કહેવાય છે. તે બંને ભૂસ્તરશાસ્ત્રી છે. લોથલના આ હેરિટેજ સાઈટ પર અચાનક માટી ધસી પડવાની માહિતી ફાયર બ્રિગેડને સૌ પ્રથમ મળી હતી. આ પછી અધિકારીઓ અને પોલીસ પ્રશાસનની મદદથી બચાવ કાર્ય શરૂ કરવામાં આવ્યું હતું. આ ઘટનામાં અસરગ્રસ્ત લોકોને હોસ્પિટલ મોકલવામાં આવ્યા છે.
આ બે મહિલાઓ કેટલાક પીએચડી વિદ્યાર્થીઓ સાથે 15 ફૂટ ખાડા ખોદીને સેમ્પલ લઈ રહી હતી. આ ઘટના અંગે ASIએ હજુ સુધી કોઈ નિવેદન બહાર પાડ્યું નથી, જોકે આ ઘટના બાદ ગાંધીનગરથી લઈને દિલ્હી સુધી ગભરાટનો માહોલ છે. માહિતી સામે આવી છે કે મૃતક સુરભી વર્મા પણ દિલ્હી IITમાંથી PhD કરી રહી હતી.
