૧૩-૧૪ ફેબ્રુઆરી, ૨૦૨૬ ના રોજ સાંજે સુરતના સાયન્સ સેન્ટરમાં આયોજિત ‘નાયિકા – 5.0 × RANGINI’ ફોક આર્ટ્સ અને ડાન્સ ફેસ્ટિવલમાં સુરતી બાળકોએ મનખોલીને ભાગ લીધો હતો.
તાલ ગ્રુપ અને CIOFF India દ્વારા, SMC ના સહયોગથી ૧૩-૧૪ ફેબ્રુઆરી, ૨૦૨૬ ના રોજ સુરતના સાયન્સ સેન્ટરમાં ‘નાયિકા – 5.0 * RANGINI ફોક આર્ટ્સ અને ડાન્સ ફેસ્ટિવલનું આયોજન કરવામાં આવ્યું હતું. આ ઉત્સવ ભારતની વિવિધ લોકકલા અને લોકનૃત્યોનો જીવંત ઉત્સવ હતો. આ વર્ષે પેહલી વાર નાયિકા સાથે રંગીની ફેસ્ટિવલ જોડાયુ હતું, જે ખાસ આજની યુવા પેઢી માટે કેન્દ્રિત આર્ટ ફેસ્ટિવલ હતો.
‘RANGINI’ – A Youth Art Festival’ ઝાઈના શાહની પહેલ છે. જે એક ૧૬ વર્ષની ઉભરતી કલાકાર છે અને હાલ ફોઉટનહેડ સ્કૂલના ૧૧માં ધોરણમાં ભણે છે. RANGINI નો મુખ્ય ઉદ્દેશ શાળાના બાળકોને ભારતના વિભિન્ન લોક કાલા જેમ કે પિથોરા, મધુબની પેઇન્ટિંગ, જરદોશી કઢાઈ, લિપ્પન આર્ટ વગેરેમા શિક્ષિત કરવા. પ્રેરણા આપવી તથા જોડાવા પ્રોત્સાહિત કરવાનો છે.
આ કાર્ય માટે ભારતના પદ્મશ્રી વિજેતા અને અન્ય દિગ્ગજ કલાકારો દ્વારા વોકર્ણોપ્સ કરવામાં આવ્યો જેમાં બાળકો ભાગ લઇ પોતાના હાથે કલાકૃતિઓ બનાવી હતી. સાથે જ ડાન્સ પર્ફોર્મન્સ અને ડ્રોઇંગ કૉપિટિશન થકી બાળકોને પોતાની કલા પ્રતિભાનું પ્રદર્શન કરવાની એક તક મેળવી હતી. આ ફેસ્ટિવલમાં સુરત અને ગુજરાતના પ્રખ્યાત કલાકારોની કલાકૃતિઓનું પ્રદર્શન પણ રાખવામાં આવ્યું હતું.
વર્ષ ૨૦૦૫માં આર્કિટેક્ટ કૃતિકા શાહ દ્વારા સ્થાપિત તાલ ગ્રુપ, ભારતીય લોકનૃત્યોને વૈશ્વિક મંય પર પ્રોત્સાહિત કરી રહ્યું છે અને પરંપરાગત લોકનૃત્યોને જનસમુદાય સુધી પહોંચાડવાનું કાર્ય કરી રહ્યું છે. તાલ ગ્રુપમાં ૮ થી ૬૫ વર્ષની છોકરીઓ અને મહિલાઓ આ યાત્રાનો અભિન્ન ભાગ રહ્યા છે. તાલ ગ્રુપએ ગુજરાતમાં આંતરરાષ્ટ્રીય ફોકલોર ડાન્સ ફેસ્ટિવલ (૨૦૨૦ અને ૨૦૨૪) નું સફળ આયોજન કર્યું છે. તેમજ 5 થી વધુ આંતરરાષ્ટ્રીય ફોલ્ક ડાન્સ ફેસ્ટિવલસમાં ભારતીય લોકનૃત્યોનું પ્રદર્શન કર્યું છે.
આ વર્ષે પણ નાયિકા – 5.0 માં સુરતના તાલ ગ્રુપ ના કલાકારો, શાળાના બાળકો, તથા વડોદરાના કલાકારો દ્વારા ગરબો, લાવણી, કથક, કૃષ્ણ ભક્તિ ચિરમી જેવા લોકનૃત્યોની પ્રસ્તુતિ એક સુંદર કલાત્મક માહોલમાં થઈ હતી. સાથે જ ફેશન શૉ અને સંગીતનો એક અનન્ય કાર્યક્રમ પણ નિહાળવાની તક સુરતીઓએ લાભ લીધો હતો. સાથે જ ‘નાયિકા – 5.0 X RANGINI’ ફોક આર્ટ્સ અને ડાન્સ ફેસ્ટિવલ ફોલ્ક કલાનો એક નવો એશિયા અને ઇન્ડિયાનો રેકોર્ડ સ્થાપિત થવા જય રહ્યો છે.
