જો તમે પ્રધાનમંત્રી જીવન જ્યોતિ વીમા યોજના (PMJJBY) સાથે જોડાયેલા છો તો, તમારા માટે મહત્ત્વના સમાચાર છે. હકીકતમાં આ યોજનાની છેલ્લી તારીખ ૩૧ મેના રોજ સમાપ્ત થઈ રહી છે. એ પછી તમે પ્રધાનમંત્રી જીવન જ્યોતિ વીમા યોજનાના ગ્રાહક નહીં રહો. જો તમે આ યોજનામાં જોડાયેલા રહેવા માંગતા હોવ તો તમારે ૩૧મે સુધી તમારા બેંક ખાતામાં ૪૩૬ રૂપિયા રાખવા પડશે. બેંકોએ આ સંદર્ભમાં તેમના ગ્રાહકોને મેસેજ મોકલવાનું પણ શરૂ કરી દીધું છે. અમને આ યોજના વિશે વિગતવાર જણાવીએ
પ્રધાનમંત્રી જીવન જ્યોતિ વીમા યોજના (PMJJBY) વર્ષ ૨૦૧૫ માં શરૂ કરવામાં આવી હતી, જે ગ્રાહકોને ૨ લાખ રૂપિયા સુધીનું વીમા કવચ પૂરું પાડે છે. આ યોજનાનો પ્રીમિયમ એક વર્ષના સમયગાળા માટે છે. આ સમયગાળો પૂરો થતાંની સાથે જ પ્રીમિયમ ફરી એકવાર જમા કરાવવાનું રહેશે. એ પછી જ ગ્રાહકોને ફરી એક વર્ષ વીમા કવચ મળશે. આ એક વર્ષની જીવન વીમા યોજના છે, જે કોઈપણ કારણોસર મળત્યુને કવર કરી લે છે.
આ યોજનાનો લાભ ૧૮-૫૦ વર્ષની વય જૂથના વ્યક્તિઓને મળી શકે છે. જે લોકો ૫૦ વર્ષની ઉંમર પૂર્ણ કરતા પહેલા આ યોજનામાં જોડાય છે અને તેઓ નિયમિત પ્રીમિયમ ચૂકવીને ૫૫ વર્ષની ઉંમર સુધી જીવનનું જોખમ લઈ શકે છે. આ યોજના માટે પ્રીમિયમ વાર્ષિક રૂ. ૪૩૬ છે, જે રૂ. ૨ લાખનું જીવન કવર પૂરું પાડે છે. કળપા કરીને નોંધ લો કે, આ યોજના હેઠળ નોમિનેશન ખાતાધારકની બેંક શાખા/BC પોઈન્ટ પર અથવા બેંકની વેબસાઇટની મુલાકાત લઈને અથવા પોસ્ટ ઓફિસ બચત બેંક ખાતાના કિસ્સામાં પોસ્ટ ઓફિસ પર કરી શકાય છે. આ યોજના હેઠળ દર વર્ષે ગ્રાહકના બેંક ખાતામાંથી પ્રીમિયમ આપોઆપ ડેબિટ થાય છે.
