- એક કાર્યક્ષમ અને રોકડ ઉપાર્જન કરતી અસ્ક્યામત NQXT તેની વૈશ્વિક વિસ્તરણ
- વ્યૂહરચનાને અનુરૂપ પૂર્વ-પશ્ચિમ વેપાર કોરિડોર સાથે APSEZના અસ્તિત્વને એકીકૃત કરશે
અમદાવાદ: ભારતની સૌથી મોટી સંકલિત પરિવહન ઉપયોગી કંપની અદાણી પોર્ટ્સ અને સ્પેશિયલ ઇકોનોમિક ઝોન લિ. (એપીએસઇઝેડ) ના બોર્ડ ઓફ ડિરેક્ટરએ કાર્મિશેલ રેલ અને પોર્ટ સિંગાપોર હોલ્ડિંગ્સ પીટીઇ લિમિટેડ, સિંગાપોર (સીઆરપીએસએચપીએલ) માંથી એબોટ પોઇન્ટ પોર્ટ હોલ્ડિંગ્સ પીટીઇ લિમિટેડ (એપીપીએચ), સિંગાપોરના સંપાદનને મંજૂરી આપી છે. કાર્મિશેલ રેલ અને પોર્ટ સિંગાપોર હોલ્ડિંગ્સ પીટીઇ લિમિટેડ એક સંબંધિત પક્ષકાર છે.
નોર્થ ક્વીન્સલેન્ડ એક્સપોર્ટ ટર્મિનલ ધરાવતી અને તેનું સંચાલન કરતી એપીએચ અલગ ઓળખ ધરાવે છે જે હાલમાં વાર્ષિક 50 મિલિયન ટન ક્ષમતા ધરાવતું સમર્પિત નિકાસ ટર્મિનલ છે. બોવેનથી આશરે 25 કિમી ઉત્તરમાં, ઓસ્ટ્રેલિયાના પૂર્વ કિનારે ઉત્તર ક્વીન્સલેન્ડમાં એબોટ પોઇન્ટ બંદર પર આ ટર્મિનલ આવેલું છે.
બિન-રોકડ ધોરણે સંપ્પન થનાર આ સોદામાં અદાણી પોર્ટસ કાર્મિશેલ રેલ અને પોર્ટ સિંગાપોર હોલ્ડિંગ્સ પીટીઇ લિ.ને એપીપીએચમાં 100% હિતના સંપાદનના બદલામાં 14.38 કરોડ ઇક્વિટી શેર આપશે. NQXTની ઓસ્ટ્રેલિયન $ 3,975 મિલિયનના એન્ટરપ્રાઇઝ મૂલ્ય પર આધારિત છે. આ સોલાના ભાગ રૂપે અદાણી પોર્ટ્સ અને સેઝ એપીએચના સરવૈયા પરની અન્ય નોન-કોર સંપત્તિ અને જવાબદારીઓ પણ ધારણ કરશે, જેનો હસ્તાંતરણના થોડા મહિનામાં અદાણી પોર્ટ્સ અને સેઝને (વ્યવહારના મૂલ્યની નેટ ઝીરો અસર)નો ખ્યાલ આવશે આ સોદા બાદ અદાણી પોર્ટસને થનાર લાભ સમાન સ્તરે રહેશે.
અદાણી પોર્ટસ અને સ્પેશિયલ ઇકોનોમિક ઝોન લિ.ના પૂૂર્ણકાલિન ડાયરેકટર અને સી.ઇ.ઓ. શ્રી અશ્વની ગુપ્તાએ આ હસ્તાંતરણ અંગે બોલતા જણાવ્યું હતું કે અમારી આંતર રાષ્ટ્રીય વ્યુહરચનામાં NQXTમાં સંપાાદન એક મહત્વનું કદમ છે જે નિકાસના નવા બજારોને ઉઘાડશે અને મૂલ્યવાન ઉપભોક્તાઓ સાથે લાંબા ગાળાના કરાર પ્રાપ્ત કરશે. વ્યૂહાત્મક રીતે ઇસ્ટ-વેસ્ટ ટ્રેડ કોરિડોર પર સ્થિત NQXT ઉચ્ચ દેખાવ કરનારી અસ્કયામત તરીકે મજબૂત વૃદ્ધિ માટે સજ્જ છે, જે વધેલી ક્ષમતાથી આગળ વધે છે, મધ્યમ ગાળામાં આગામી કરારના રીન્યુઅલ અને લાંબા ગાળે હરીત હાઇડ્રોજનના નિકાસની સંભાવના ધરાવે છે. તેમણે કહ્યું હતું કે કંપની ચાર વર્ષમાં એબિડટાને ઓસ્ટ્રેલિયન ડોલર 400 મિલિયન સુધી વધારવાનું લક્ષ્ય સેવી રહ્યા છીએ. ‘ગ્રોથ વિથ ગુડનેસ’ના અમારા અભિગમ અને પર્યાવરણીય, સામાજિક અને શાસન પદ્ધતિઓમાં ઉચ્ચ ધોરણો પ્રત્યેની અમારી પ્રતિબદ્ધતાનો દાખલો બેસાડવા માટે NQXTને આવકારવાનું અમોને ગૌરવ છે.
