રવિવારે ભારતે ઇતિહાસ રચી દીધો હતો અને T20 વર્લ્ડ કપનો ખિતાબ બચાવનાર પ્રથમ ટીમ બની અને ઘરઆંગણે જીતનાર પણ પ્રથમ ટીમ બની છે. અમદાવાદના નરેન્દ્ર મોદી સ્ટેડિયમ ખાતે T20 વર્લ્ડ કપ ફાઇનલમાં મેન ઇન બ્લુએ ન્યૂઝીલેન્ડને 96 રનથી ખરાબ રીતે હરાવ્યું હતું. જેની ખુશી વ્યક્ત કરતાં અદાણી જૂથના ચેરમેન ગૌતમ અદાણીએ ભારતીય ટીમને ખુબ સુંદર સંદેશ આપ્યો હતો.
અવિશ્વસનીય… અજેય ભારત!!
ગૌતમ અદાણીએ પોતાના એક્સ હેન્ડલ પર ટ્વિટ કરતાં લખ્યું હતું કે અવિશ્વસનીય… અજેય ભારત!! T20 2026 વર્લ્ડ કપ ચેમ્પિયનશિપ માટે અભિનંદન! 🏆🇮🇳 વિઝિંજામના સંજુ સેમસનનો સ્કોર QF / SF / Final Scores: 97, 89, 89. આટલી કંસ્ટિટંસી તો વિઝિંજામ પોર્ટ પર અદાણીની ક્રેનમાં પણ નથી! અને અમદાવાદનો ખેલાડી, વિશ્વનો શ્રેષ્ઠ! બુમરાહ? તેની સામે રમતી વખતે બેટ્સમેન પોતાનો રસ્તો ભૂલી જાય છે! 🎯💥 આખરે ટ્રોફી ઘરે આવી ગઈ છે! 🏠🏏
Unbelievable. Unstoppable. UNBEATEN Bharat!!
— Gautam Adani (@gautam_adani) March 8, 2026
Congratulations on the T20 2026 World Cup Championship! 🏆🇮🇳
New Zealand का हिसाब-किताब बराबर!
Sanju Samson of Vizhinjam QF / SF / Final Scores: 97, 89, 89.
इतनी कंसिस्टेंसी तो Adani के Vizhinjam Port के क्रेन में भी नहीं होती!… pic.twitter.com/tmfMLX8Rdm
ફાઇનલમાં આટલા મોટા લક્ષ્યનો પીછો કરવો ન્યૂઝીલેન્ડ માટે હંમેશા પડકારજનક કાર્ય રહ્યું છે, અને જ્યારે તેઓએ પ્રથમ પાંચ ઓવરમાં ફિન એલન, રચિન રવિન્દ્ર અને ગ્લેન ફિલિપ્સની વિકેટ ગુમાવી દીધી ત્યારે તે વધુ મુશ્કેલ બન્યું. હાર્દિક પંડ્યાએ માર્ક ચેપમેનને આઉટ કર્યો, ત્યારબાદ ટિમ સીફર્ટ, જે અડધી સદી ફટકારવામાં સફળ રહ્યા હતા, તેમને વરુણ ચક્રવર્તીએ આઉટ કર્યા. 13મી ઓવરમાં ડેરિલ મિશેલને અક્ષર પટેલે આઉટ કર્યા પછી ન્યૂઝીલેન્ડની છેલ્લી આશા ઠગારી નીવડી. જસપ્રીત બુમરાહએ ચાર વિકેટ અને અક્ષર પટેલે ત્રણ વિકેટ લઈને ન્યૂઝીલેન્ડની કમર તોડી નાખી.
સેમસન, અભિષેક અને કિશનની વિસ્ફોટક બેટિંગ
ફાઇનલમાં, ભારતે આક્રમક રમત રમી, 5 વિકેટે 255 રનનો રેકોર્ડ બનાવ્યો. આ વિશાળ સ્કોરનો પાયો ઓપનર અભિષેક શર્મા અને સંજુ સેમસન દ્વારા નાખવામાં આવ્યો હતો. આ જોડીએ શરૂઆતથી જ કિવી બોલરો પર હુમલો કર્યો, 43 બોલમાં 98 રનની ઝડપી ભાગીદારી નોંધાવી. અભિષેક શર્માએ માત્ર 21 બોલમાં 52 રનની ધમાકેદાર ઇનિંગ રમી, ન્યુઝીલેન્ડની રણનીતિને સંપૂર્ણપણે તોડી નાખી. ત્યારબાદ સેમસનએ એવો બેટિંગ ઉત્સાહ ફેલાવ્યો કે મોટેરા સ્ટેડિયમ તેના છગ્ગાથી ગુંજી ઉઠ્યું. તેણે 46 બોલમાં 89 રન બનાવ્યા, જેમાં આઠ જબરદસ્ત છગ્ગાનો સમાવેશ થાય છે.
ઇશાન કિશને મધ્ય ઓવરોમાં પોતાનું આક્રમક ફોર્મ ચાલુ રાખ્યું, 25 બોલમાં 54 રનની ઝડપી શરૂઆત સાથે ટીમને 200 રનથી વધુ પહોંચાડવામાં મહત્વપૂર્ણ ભૂમિકા ભજવી. સેમસન અને કિશન વચ્ચે 48 બોલમાં 105 રનની ભાગીદારીએ મેચને સંપૂર્ણપણે ભારતના પક્ષમાં કરી દીધી. જોકે જીમી નીશમે ૧૬મી ઓવરમાં સેમસન, કિશન અને સૂર્યકુમાર યાદવને આઉટ કરીને વાપસી કરવાનો પ્રયાસ કર્યો હતો, પરંતુ ભારતે મેચ પર પહેલેથી જ મજબૂત પકડ બનાવી લીધી હતી.
લક્ષ્યના દબાણ હેઠળ ન્યુઝીલેન્ડ તૂટી પડ્યું
૨૫૬ રનના વિશાળ લક્ષ્યનો પીછો કરતા, ન્યુઝીલેન્ડની શરૂઆત ખૂબ જ ખરાબ રહી. ટીમે પ્રથમ પાંચ ઓવરમાં ફિન એલન, રચિન રવિન્દ્ર અને ગ્લેન ફિલિપ્સ ગુમાવ્યા. ત્યારબાદ હાર્દિક પંડ્યાએ માર્ક ચેપમેનને આઉટ કરીને કિવી ટીમને વધુ મુશ્કેલીમાં મૂકી દીધી. ટિમ સીફર્ટે ચોક્કસપણે અડધી સદી ફટકારીને થોડી આશા જગાવી, પરંતુ તે પણ વરુણ ચક્રવર્તીનો શિકાર બન્યો. અક્ષર પટેલે ૧૩મી ઓવરમાં ડેરિલ મિશેલને આઉટ કરીને ન્યુઝીલેન્ડની છેલ્લી આશાનો અંત લાવ્યો.
