વિશ્વનાં ઘણાં ભાગો છે જ્યાં હિન્દુ વસ્તી રહે છે. આવા ભાગોમાં ફક્ત તહેવારો જ ઉજવવામાં આવતાં નથી પરંતુ પરંપરાગત શૈલીમાં પણ પૂજા સ્થળો પણ બનાવવામાં આવ્યાં છે.
આવો જ એક દેશ સિંગાપોર છે, જ્યાં ઘણાં પ્રાચીન હિન્દુ મંદિરો છે. રવિવારે, જ્યારે આવાં જ એક મંદિરમાં પ્રાણ પ્રતિષ્ઠના કાર્યક્રમ પર ત્યાંનાં વડા પ્રધાન પહોંચ્યાં, ત્યારે દરેકનું ધ્યાન ફરી એકવાર આ તરફ ગયું હતું.
શરીર પર કુર્તો, ગળામાં ફૂલની માળા અને હાથનાં કાંડા પર બાંધેલો લાલ અને પીળો દોરો આ વિગતોથી તમારાં મગજમાં એક ભારતીય વ્યક્તિની છબી બનશે, પરંતુ આપણે અહીં જે વ્યક્તિની વાત કરી રહ્યાં છીએ તે કોઈ ભારતીય વ્યક્તિ નહીં, પરંતુ સિંગાપોરના વડા પ્રધાન છે.
મંદિરની વિશેષતા :-
સિંગાપોરના વડા પ્રધાન લોરેન્સ વોંગ રવિવારે તેમનાં દેશનાં ’મર્સિંગ રાઇઝ હાઉસિંગ એસ્ટેટ’ વિસ્તારમાં પહોંચ્યાં, જ્યાં સ્થિત શ્રી શિવ કૃષ્ણ મંદિરમાં પ્રાણ પ્રતિષ્ઠનો કાર્યક્રમ યોજાયો હતો. તે સિંગાપોરનું એકમાત્ર મંદિર છે, જ્યાં શિવ કૃષ્ણની મૂર્તિઓ છે. સમારોહ સવારે 7 વાગ્યે ધાર્મિક વિધિઓથી શરૂ થયો હતો અને આ માટે મુખ્ય ભવનમાં લગભગ 100 મીટર દૂર એક કેમ્પ સ્થાપિત કરવામાં આવ્યો હતો.
’ધ સ્ટ્રેટ્સ ટાઇમ્સ’ માં પ્રકાશિત એક અહેવાલ મુજબ સવારે આઠ વાગ્યે કળશ યાત્રા નીકળી હતી અને કળશમાં પાણી ભરીને મંદિરમાં લાવવામાં આવ્યું હતું. પૂજા દરમિયાન, જ્યારે ગરુડ ત્રણ વખત મંદિર પરથી ઉડ્યું, ત્યારે ભીડ ઉત્સાહિત થઈ ગઈ હતી. મંદિરનાં અધિકારીઓએ કહ્યું કે તે એક શુભ નિશાની છે કારણ કે પક્ષી ગરુડનું પ્રતિનિધિત્વ માનવામાં આવતું હતું, જે હિન્દુ દેવતાની નિશાની છે.
આટલી હિન્દુ વસ્તી અહીં રહે છે :-
સિંગાપોરની કુલ વસ્તીની 5.1 ટકા વસ્તી હિન્દુ છે. મોટાભાગનાં હિન્દુ ભારતીય લોકો છે. તેથી જ આ દેશમાં 35 થી વધુ હિન્દુ મંદિરો છે અને મોટાભાગનાં દક્ષિણ ભારતીય શૈલીમાં બનેલાં તમિલ મંદિરો છે. આ મંદિરોની ટોચ પર, તમને દેવતાઓ અને દેવીઓની મૂર્તિઓથી ભવ્ય સજાવટ જોવા મળશે.
વડાપ્રધાને દિલ જીતી લીધું :-
મુખ્ય અતિથિ તરીકે સિંગાપોરના વડા પ્રધાન વોંગ અને સંરક્ષણ પ્રધાન જાકી મોહમ્મદ પણ સાથે હાજર હતાં. મંદિરનાં અધિકારીઓએ તેમને શાલ અને માળા આપી હતી અને મુખ્ય પુજારી નાગરાજ શિવચાર્યએ વડા પ્રધાનને દોરો પણ બાંધ્યો હતો. વડા પ્રધાન આ પ્રસંગે કુર્તો અને પેન્ટ પહેર્યાં હતાં.
વડા પ્રધાન વોંગ અને જાકી, જે અન્ય મહેમાનો સાથે બહાર બેઠાં હતાં, તેઓને મંદિરનાં અધ્યક્ષ સુરેશ કુમારે મંદિરમાં પવિત્ર જળ ચડાવા અને દીવો પ્રગટાવવા માટે અંદર બોલાવ્યાં હતાં. આ દરમિયાન, મુખ્ય પુજારી નાગરાજ શિવચાર્યએ વડાપ્રધાનને પરંપરાગત પાઘડી પણ બાંધી હતી.
શ્રી મરિયઅમ્મન મંદિર :-
તે સિંગાપોરનું સૌથી જૂનું હિન્દુ મંદિર છે. તે ચાઈનાટાઉનની મધ્યમાં છે. આ મંદિર 1827 માં બનાવવામાં આવ્યું હતું. અહીં, વરસાદ અને ફળદ્રુપતાની દેવી મરિયઅમ્મનની પૂજા કરવામાં આવે છે. અહીંની મૂર્તિઓ, મંદિરની રચના, રંગબેરંગી આર્ટવર્ક ખૂબ સુંદર લાગે છે.
શ્રી થેંડાયુથપાની મંદિર :-
આ મંદિરને ચેટ્ટિયાર મંદિર પણ કહેવામાં આવે છે. તે ભગવાન મુરુગનનું મંદિર છે જેમને યુદ્ધનાં દેવ માનવામાં આવે છે. ટેન્ક રોડ પર સ્થિત આ મંદિરમાં દર વર્ષે થાઇપુસમ મહોત્સવની ઉજવણી કરવામાં આવે છે. મંદિરની ભવ્યતા વિશે વાત કરતાં, તેનું પ્રવેશદ્વાર ખૂબ ભવ્ય છે. તેમાં ખૂબ જ સુંદર કોતરણી જોવા મળે છે.
