Air India Emergency Landing: સાન ફ્રાન્સિસ્કોથી મુંબઈ જતી એર ઈન્ડિયાની ફ્લાઈટમાં ટેકનિકલ ખામીના કારણે કોલકાતા ઉતારી

મંગળવારે સવારે સાન ફ્રાન્સિસ્કોથી મુંબઈ જતી એર ઈન્ડિયાની ફ્લાઈટના એક એન્જિનમાં ટેકનિકલ ખામી સર્જાતા મુસાફરોને કોલકાતા એરપોર્ટ પર તેના નિર્ધારિત સ્ટોપઓવર દરમિયાન ઉતારી દેવામાં આવ્યા હતા. પ્રાપ્ત માહિતી અનુસાર, ફ્લાઈટ નંબર AI 180 સોમવાર-મંગળવાર રાત્રે 1:45 વાગ્યે એરપોર્ટ પર સમયસર પહોંચી હતી, પરંતુ ડાબા એન્જિનમાં ટેકનિકલ ખામી સર્જાતા આગળની ફ્લાઈટ મોડી પડી હતી. મંગળવારે સવારે લગભગ 05:20 વાગ્યે તમામ મુસાફરોને વિમાનમાંથી ઉતરવાનું કહેવામાં આવ્યું હતું. વિમાનના કેપ્ટને મુસાફરોને જણાવ્યું હતું કે આ નિર્ણય ફ્લાઇટ સલામતીના હિતમાં લેવામાં આવ્યો છે.