વાહનોના રજીસ્ટ્રેશનમાં એજન્ટો દ્વારા ગોટાળાના કિસ્સા પકડાવાનો પગલે આરટીઓ દ્વારા હવે વાહન માલિકનાં આધાર લીંકકડ મોબાઈલ નંબર ફરજીયાત બનાવતો આદેશ જારી કરવામાં આવ્યો હતો.
અમદાવાદમાં એક એજન્ટે ટુ-વ્હીલરથી માંડીને કાર સુધીનાં 50 જેટલા વાહનોના રજીસ્ટ્રેશનમાં પોતાના જ મોબાઈલ નંબર રજીસ્ટર્ડ કરાવ્યાનો કિસ્સો પ્રકાશમાં આવ્યો હતો.
જે અત્યાર સુધી કોઈપણ વ્યકિત કે વચેટીયા પોતાનો મોબાઈલ નંબર નાખીને રજીસ્ટ્રેશન પ્રક્રિયા કરી લેતા હતા. વાહન વિમા ટ્રાન્સકસ્થ ટ્રાફીક ચલણ વગેરેમાં પણ આજ નંબર ઉપસતો હતો.
ત્યારે કોઈ કાનુની વિવાદ કે અન્ય કિસ્સાઓમાં મુશ્કેલી સર્જાવાની ભીતિ રહેતી હતી. કોઈપણ કટોકટી વખતે પણ વાહન માલિકોની ભાળ મેળવવામાં તકલીફ થતી હતી.
આવા અનેકવિધ કારણોને ધ્યાનમાં રાખીને આરટીઓ દ્વારા વાહનના રજીસ્ટ્રેશન કે રી-રજીસ્ટ્રેશન વખતે વાહન માલિકનાં આધાર લીંકડ મોબાઈલ નંબર બનાવવાનું ફરજીયાત કર્યું છે. આરટીઓનાં એક સિનિયર અધિકારીએ કહ્યું કે, અત્યાર સુધી રજીસ્ટ્રેશન ફોર્મમાં દર્શાવાતો મોબાઈલ નંબર જ વાનહ માલિકનો ગણી લેવામાં આવતો હતો અને તેના અનેક ગેરફાયદા પણ હતા હવે નવા નિયમ હેઠળ વાહન રજીસ્ટ્રેશન પ્રક્રિયામાં આધાર લીંકડ મોબાઈલ નંબર ફરજીયાત કરવામાં આવ્યો છે.
