ગોલ્ડન બોયના નામે વધુ એક ગોલ્ડ, પેરિસ ઓલિમ્પિક પહેલા પાવો નુર્મી ગેમ્સમાં નીરજ ચોપડાએ ફોક્યો ભાલો

ઓલિમ્પિક અને વિશ્વ ચેમ્પિયન ભાલા ફેંકના ખેલાડી નીરજ ચોપરાએ પાવો નુર્મી ગેમ્સમાં ગોલ્ડ મેડલ જીત્યો (Neeraj Chopra Wins Gold In Paavo Nurmi Games) છે. મંગળવારે (18 જૂન) ફિનલેન્ડના તુર્કુમાં આયોજિત આ ગેમ્સમાં ભારત તરફથી માત્ર નીરજ ચોપરાએ ભાગ લીધો હતો. નીરજે ત્રીજા પ્રયાસમાં 85.97 મીટર ભાલો ફેંક્યો હતો, જે તેનો સર્વશ્રેષ્ઠ થ્રો હતો. ગોલ્ડ જીતીને નીરજે સંકેત આપ્યો છે કે તે પેરિસ ઓલિમ્પિક 2024 પહેલા ફોર્મમાં છે. જ્યારે ફિનલેન્ડની ટોની કેરાનેન (84.19 મીટર) બીજા સ્થાને રહ્યો અને સિલ્વર મેડલ જીત્યો. ત્યારે ફિનલેન્ડના ઓલિવર હેલેન્ડરે ત્રીજું સ્થાન (83.96 મીટર) મેળવ્યું હતું. Neeraj Chopra Wins Gold In Paavo Nurmi Games

પાવો નુર્મી ગેમ્સ લીગમાં નીરજ ચોપરાનું પ્રદર્શન

પ્રથમ પ્રયાસ – 83.62 મીટર

બીજો પ્રયાસ – 83.45 મીટર

ત્રીજો પ્રયાસ – 85.97 મીટર

ચોથો પ્રયાસ – 82.21 મીટર

પાંચમો પ્રયાસ – ફાઉલ

છઠ્ઠો પ્રયાસ – 82.97 મીટર

નીરજ ફરી 90 મીટરના અવરોધને સ્પર્શી શક્યો નથી

ભારતીય ખેલાડીએ 2022માં 89.30 મીટર ભાલો ફેંકીને સિલ્વર મેડલ જીત્યો હતો. તે સમયે આ તેનું વ્યક્તિગત સર્વશ્રેષ્ઠ પ્રદર્શન પણ હતું. તેણે તે જ વર્ષે ડાયમંડ લીગના સ્ટોકહોમ સ્ટેજમાં 89.94 મીટર ભાલો ફેંકીને તેમાં સુધારો કર્યો. જો કે, ત્યારથી નીરજ તેના શ્રેષ્ઠ (89.94 મીટર)માં સુધારો કરી શક્યો નથી.

બે વખતના વર્લ્ડ ચેમ્પિયન ગ્રેનાડાના એન્ડરસન પીટર્સ અને 2012ના ઓલિમ્પિક ચેમ્પિયન ત્રિનિદાદ અને ટોબેગોના કેશોર્ન વોલકોટ પણ આ ઇવેન્ટમાં ભાગ લીધો હતો. જોકે, બંને ખેલાડીઓનું પ્રદર્શન નિરાશાજનક રહ્યું હતું. 26 વર્ષીય નીરજ ચોપરા ગયા મહિને તેની જાંઘના સ્નાયુઓમાં હળવા દુખાવાના કારણે ઓસ્ટ્રાવા ગોલ્ડન સ્પાઇક સ્પર્ધામાંથી ખસી ગયો હતો. દોહા ડાયમંડ લીગથી પોતાની સિઝનની શરૂઆત કરનાર ચોપરા હવે 7 જુલાઈએ પેરિસ ડાયમંડ લીગમાં ભાગ લેશે.

તમામ 8 ખેલાડીઓનો શ્રેષ્ઠ થ્રો

1. નીરજ ચોપરા (ભારત) – 88.36 મીટર

2. ટોની કેરાનેન (ફિનલેન્ડ) – 84.19 મીટર

3. ઓલિવર હેલેન્ડર (ફિનલેન્ડ) – 83.96 મીટર

4. એન્ડરસન પીટર્સ (ગ્રેનાડા) – 82.58 મીટર

5.એન્ડ્રિયન માર્ડારે (મોલ્ડોવા)- 82.19 મીટર

6. કેશોર્ન વોલકોટ (ટ્રિનિદાદ) – 81.93 મીટર

7. મેક્સ ડેહનિંગ (જર્મની) – 79.84 મીટર

8. લસ્સી એટેલેટાલો (ફિનલેન્ડ) – 79.35 મીટર