ભારતમાં સાત-આઠ દિવસ વહેલી એન્ટ્રી લઈ લેનાર નૈઋત્ય ચોમાસું કુદકા મારતું આગળ ધપી રહ્યું હોય તેમ મહારાષ્ટ્રમાં આવી ગયુ છે અને 35 વર્ષનો રેકોર્ડ તોડયો છે.
બે-ત્રણ દિવસમાં મુંબઈમાં આગમનની આગાહી વચ્ચે મહાનગરનાં અનેક ભાગોમાં રાત્રે ભારે વરસાદ નોંધાયો હતો અનેક વિસ્તારો જળબંબાકાર બનતા હવામાન વિભાગે એલર્ટ જારી કર્યુ છે.
ભારતમાં સામાન્ય રીતે 1 જુને કેરળ પહોંચતા ચોમાસાએ આ વખતે 24 મેના રોજ કેરળમાં એન્ટ્રી મેળવી લીધી હતી. પ્રવેશ સાથે જ વધુ ઝડપથી આગળ દોડવા લાગ્યુ હોય તેમ મહારાષ્ટ્રમાં પણ પ્રવેશ મેળવી લીધો હોવાનું હવામાન વિભાગે જાહેર કર્યું છે.
મહારાષ્ટ્રમાં ચોમાસાનાં વ્હેલા પ્રવેશનો 35 વર્ષનો રેકોર્ડ તૂટયો છે. સામાન્ય રીતે સાત જુને મહારાષ્ટ્રમાં પ્રવેશતુ હોય છે. અને 11 જુને મુંબઈ પહોંચતુ હોય છે.
નૈઋત્ય ચોમાસાનું મુંબઈમાં વિધીવત આગમન બે-ત્રણ દિવસમાં થઈ જવાની આગાહી તાપમાન વિભાગ દ્વારા કરવામાં આવી છે. ચોમાસાનું ટ્રેલર શરૂ થઈ ગયુ હોય તેમ થઈ શકે ભારે વરસાદ નોંધાયો હતો. હજુ ત્રણ-ચાર દિવસ હળવો-ભારે વરસાદ થવાની આગાહી હવામાન વિભાગે કરી છે.
હવામાન વિભાગે ટવિટ મારફત કહ્યું કે, બોરીવલી, શાંતાક્રુઝ, પવઈ, મુલુન્ડ, વર્લી, ચેમ્બુર, કોલાબા, અલીબાગમાં ભારે વરસાદ થયો હતો. અઢી ઈંચ વરસાદ થયો હતો આ વિસ્તારમાં માટે રેડએલર્ટ તથા અન્ય ભાગો માટે ઓરેન્જ, એલર્ટ જાહેર કરાયું છે.
અનેક વિસ્તારો જળબંબાકાર થયા હતા. 50 થી 60 કીમીની ઝડપે પવન ફુંકાવાની તથા દરિયામાં મોજા ઉછળવાની ચેતવણી આપવામાં આવી છે.
