પહેલગામમાં કાયરતાપૂર્ણ આતંકી હુમલો કરનાર પાકિસ્તાન પર ભારતે હજુ સીધો હુમલો તો નથી કર્યો પણ સિંધુ જળ સંધિ પર કરવી, એરસ્પેસ બંધ કરવા જેવા પરોક્ષ રીતે વાહ કરીને પાકિસ્તાનને ખોખરું કરવા માંડયું છે, હવે આવા જ વધુ પગલા ભારત ભરવા જઈ રહ્યું છે. જેમાં વધુને વધુ કંગાળ થતું જશે.
ભારત ઈચ્છે છે કે પાકિસ્તાન આંતરરાષ્ટ્રીય સ્તરે વિખુટું પડી જાય. આવા કઠોર પગલામાં પાકિસ્તાનને એફએટીએફની ગ્રે લિસ્ટમાં નાખવાની કોશિશ આઈએમએફથી પાક.ને મળતી મદદનો વિરોધ વગેરે પગલાનો સમાવેશ થાય છે. આ મામલે ભારતને હજુ 23 દેશોનું સમર્થન મળ્યું છે.
પાકિસ્તાન સામે ભારતની કાર્યવાહી ચાલુ રહે તેવી શક્યતા છે. ભારત પહેલાથી જ સિંધુ જળસંધિ તોડવાથી લઈને હવાઈ ક્ષેત્ર પર પ્રતિબંધ લાદવા સુધીની જાહેરાતો કરી ચૂક્યું છે. હવે પહેલેથી જ આર્થિક રીતે સંકુચિત પાડોશી દેશની સમસ્યાઓ વધુ વધી શકે
એવા સમાચાર છે કે ભારત પાકિસ્તાનને ફાઇનાન્શિયલ એક્શન ટાસ્ક ફોર્સ (FATF)ની ગ્રે લિસ્ટમાં ફરીથી સામેલ કરવાનો પ્રયાસ કરી શકે છે. આ ઉપરાંત પાકિસ્તાનને આંતરરાષ્ટ્રીય નાણાકીય ભંડોળમાંથી મળી રહેલી સહાયના સંદર્ભમાં પણ ઝટકો લાગી શકે છે.
પાકિસ્તાન નાપાક પ્રવૃત્તિઓ માટે ભંડોળનો દુરુપયોગ કરે છે
અહેવાલો અનુસાર, ભારત બે મોટા પગલાં લેવાનું વિચારી રહ્યું છે. આમાંથી પહેલું પાકિસ્તાનને FATF ગ્રે લિસ્ટમાં સામેલ કરવાનું અને ઇન્ટરનેશનલ મોનેટરી ફંડ (IMF)ના 7 બિલિયન ડોલરના સહાય પેકેજ સામે વાંધો ઊઠાવવાનું છે. IMF કેસમાં ભારત એવો દાવો કરી શકે છે કે પાકિસ્તાન આતંકી હુમલાઓ અને નાપાક પ્રવૃત્તિઓ માટે ભંડોળનો દુરુપયોગ કરી રહ્યું છે.
પાકિસ્તાનને ગ્રે લિસ્ટમાં સામેલ કરવા માટે ભારતને અન્ય FATF સભ્ય દેશોના સમર્થનની જરૂર છે. તેને તેની પૂર્ણ સભા દ્વારા મંજૂરી આપવામાં આવે છે, જે FATF માટે તમામ નિર્ણયો લે છે. પ્લેનરી સામાન્ય રીતે વર્ષમાં ત્રણ વખત મળે છે, ફેબ્રુઆરી, જૂન અને ઓક્ટોબરમાં. ખાસ વાત એ છે કે આ યાદીમાં સામેલ થવાનો અર્થ એ છે કે FDI અને મૂડી પ્રવાહ પર ખૂબ અસર પડે છે.
પાકિસ્તાન જૂન 2018 સુધી FATF ગ્રે લિસ્ટમાં હતું, પરંતુ ઓક્ટોબર 2022માં તેને યાદીમાંથી દૂર કરવામાં આવ્યું હતું. અહેવાલ અનુસાર, ભારતીય સરકારી અધિકારીઓનું કહેવું છે કે આનાથી પાકિસ્તાન દ્વારા ભારતમાં આવતા ગેરકાયદે ભંડોળને રોકવામાં મદદ મળી.
પાકિસ્તાન FATFનું સભ્ય નથી, પરંતુ તે એશિયા પેસિફિક ગ્રુપ ઓન મની લોન્ડરિંગ (APG)નો ભાગ છે. જ્યારે, ભારત APG ની સાથે FATF નો પણ સભ્ય છે.
