અદાણી ગ્રુપની મુખ્ય કંપની, અદાણી એનર્જી સોલ્યુશન્સ લિમિટેડ (AESL) એ ચોથા ક્વાર્ટર અને નાણાકીય વર્ષ 2025 માટે તેના ઓપરેશનલ અપડેટ્સ જાહેર કરીને શાનદાર કામગીરી દર્શાવી છે. ટ્રાન્સમિશન, વિતરણ અને સ્માર્ટ મીટરિંગ જેવા મુખ્ય ક્ષેત્રોમાં મજબૂતાઈને કારણે રોકાણકારોનો કંપનીમાં વિશ્વાસ અકબંધ છે. પરિણામે, છેલ્લા એક મહિનામાં કંપનીના શેરમાં જબરદસ્ત વધારો જોવા મળ્યો છે.
આ શેરે શાનદાર વળતર આપ્યું
ગુરુવારે AESL ના શેર રૂ. 914.20 પર બંધ થયા, જે તેના અગાઉના રૂ. 895.10 ના બંધ ભાવથી લગભગ 2 ટકા વધુ છે. છેલ્લા 5 ટ્રેડિંગ સત્રોમાં આ શેરે 9.07 ટકાનું વળતર આપ્યું છે, જ્યારે એક મહિનામાં તેમાં 12.01 ટકાનો ઉછાળો આવ્યો છે. કંપનીનું માર્કેટ કેપ હવે 91,177.35 કરોડ રૂપિયા સુધી પહોંચી ગયું છે.
દેશની સૌથી મોટી ખાનગી ટ્રાન્સમિશન કંપની
AESL ભારતની સૌથી મોટી ખાનગી ટ્રાન્સમિશન કંપની છે, જેનું નેટવર્ક 16 રાજ્યોમાં ફેલાયેલું છે. કંપની પાસે 25,700 સર્કિટ કિલોમીટરથી વધુનું ટ્રાન્સમિશન નેટવર્ક અને 84,100 MVA ની ટ્રાન્સફોર્મેશન ક્ષમતા છે. તેના ત્રણ મુખ્ય વ્યવસાયો – પાવર ટ્રાન્સમિશન, વિતરણ અને સ્માર્ટ મીટરિંગ, સતત વિસ્તરી રહ્યા છે.
ટ્રાન્સમિશન ક્ષેત્રમાં મજબૂત વૃદ્ધિ
કંપનીએ ચોથા ક્વાર્ટરમાં ૧૪૦ સીકેએમનું નવું નેટવર્ક ઉમેર્યું, જેનાથી કુલ નેટવર્ક ૨૬,૬૯૬ સીકેએમ થયું. આ સમયગાળા દરમિયાન, કંપનીને રૂ. ૨,૮૦૦ કરોડનો નવીનાલ (મુન્દ્રા) પ્રોજેક્ટ અને રૂ. ૨,૨૦૦ કરોડનો મોટો ટ્રાન્સમિશન પ્રોજેક્ટ પણ મળ્યો. ખાસ વાત એ છે કે કંપનીની બાંધકામ હેઠળની ઓર્ડર બુક 59,936 કરોડ રૂપિયા સુધી પહોંચી ગઈ છે, જે વર્ષની શરૂઆતમાં માત્ર 17,000 કરોડ રૂપિયા હતી.
સ્માર્ટ મીટરિંગમાં પણ મોટો વિસ્તરણ
ચોથા ક્વાર્ટર સુધીમાં, AESL એ 31 લાખ સ્માર્ટ મીટર ઇન્સ્ટોલ કર્યા છે. કંપની નાણાકીય વર્ષ 26 સુધીમાં 60-70 લાખ વધુ મીટર સ્થાપિત કરવાની યોજના ધરાવે છે. આ સાથે, વર્ષના અંત સુધીમાં 1 કરોડ સ્માર્ટ મીટરનો લક્ષ્યાંક નક્કી કરવામાં આવ્યો છે. ભારતમાં હજુ પણ લગભગ ૯૭ મિલિયન સ્માર્ટ મીટર ઇન્સ્ટોલ કરવાના બાકી છે, જે આ ક્ષેત્રમાં કંપનીને એક મોટી તક પૂરી પાડી શકે છે.
આર્થિક કામગીરીમાં નોંધપાત્ર સુધારો
નાણાકીય વર્ષ 25 ના ત્રીજા ક્વાર્ટરમાં, કંપનીની આવક 4,684 કરોડ રૂપિયાથી વધીને 6,000 કરોડ રૂપિયા થઈ, એટલે કે લગભગ 24 ટકાની વૃદ્ધિ. તે જ સમયે, ચોખ્ખો નફો 73 ટકા વધીને રૂ. 325 કરોડથી રૂ. 562 કરોડ થયો છે. અદાણી એનર્જી સોલ્યુશન્સનું આ પ્રદર્શન દર્શાવે છે કે કંપનીએ માત્ર તેના માળખાને મજબૂત બનાવ્યું નથી પરંતુ રોકાણકારોનો વિશ્વાસ જીતવામાં પણ સફળ રહી છે.
