દક્ષિણ ભારતના રાજ્યો કાળઝાળ ગરમીથી ઊકળી ઊઠતાં હોય છે. ચેન્નઈમાં તાપ પણ ખૂબ આકરો પડે છે અને બફારો પણ પુષ્કળ થાય છે. ગ્રેટર ચેન્નઈ કોર્પોરેશને પહેલ કરીને શહેરમાં ઠેર-ઠેર ટાઢક થાય એવાં આરાદાયી સ્થળો બનાવવાનું શરૂ કર્યું છે.
ખાસ કરીને ફૂડ-ડિલિવરી કરતા રાઇડર્સ, છૂટક મજૂરીકામ કરતા તેમ જ રોડ પર ઊભા રહેવું પડતું હોય એવા સર્વિસમેનોને ટાઢક મળે એવા ઍર-કન્ડિશન્ડ રેસ્ટ એરિયા ચેન્નઈમાં મૂકવાની તૈયારી ચાલી રહી છે.
આવી સુવિધા દુબઈ જેવાં હાઈ-ટેક શહેરોમાં જોવા મળે છે. ચેન્નઈના અન્નાનગર, નુંગમબક્કમ, રોયપેટ્ટા, માયલાપુર અને ટીનગર જેવા વિસ્તારોમાં આવી એસી કેબિન્સ મૂકવાની તૈયારી ચાલી રહી છે.
ગરમી અને વરસાદમાં રોડ પર કામ કરતા છૂટક કામદારો માટે મોટો પડકાર હોય છે. તેઓ સેફલી બેસી શકે, મોબાઇલ ચાર્જ કરી શકે એવી વ્યવસ્થા એ કેબિનમાં હશે. આવો પ્રયાસ ભારતનાં બીજાં શહેરોમાં પણ થવો જોઈએ એવું નથી લાગતું?
