બકરીઓ આમ તો નાનું પ્રાણી જ હોય છે, પરંતુ એમાય મિનિએચર વર્ઝન હોય તો એ કેટલું ટચૂકડું હોય એ કેરલામાં જોવા મળે છે. કેરલામાં પીટર લેનુ નામના પ્રાણીપ્રેમીને ત્યાં કરુમ્બી નામની બકરી છે જેની હાઇટ માત્ર એક ફુટ ત્રણ ઇંચ છે.
કરુમ્બી કેનેડિયન પિગ્મી પ્રજાતિની બકરી છે. કાળા રંગની આ ટચૂકડી બકરી ચાર વર્ષની પુખ્ત થઈ ગઈ હોવા છતાં એનું કદ હજી નવજાત બકરી જેટલું જ રહ્યું છે.
કરુમ્બીના પગ માત્ર 21 ઇંચના છે અને એનું કદ વધતું જ નથી. એને કારણે તે સૌથી ઠીંગણી બકરી બની રહી છે. કરુમ્બી અત્યારે ગર્ભવતી છે ત્યારે પ્રાણીપ્રેમીઓને અસમંજસ છે કે એનું બચ્ચું પણ એના જેવું ક્યુટ અને ટચૂકડું જ હશે કે નોર્મલ કદનું હશે?
