માઇક્રોસોફ્ટે 20 ફેબ્રુઆરીએ તેની પ્રથમ ક્વોન્ટમ કમ્પ્યુટિંગ ચિપ ’મેજરાના 1’ લોન્ચ કરી છે. આ નવી ટેકનીક જટિલ સમસ્યાઓ હલ કરવામાં મદદ કરી શકે છે, જે નવી દવાઓનાં શોધ અને પ્રદૂષણ નિયંત્રણ જેવાં કાર્યો કરી શકે છે.
પરંપરાગત કમ્પ્યુટર્સ 1 અને 0 નો ઉપયોગ કરે છે, જ્યારે ક્વોન્ટમ કમ્પ્યુટર ક્યૂબિટસનો ઉપયોગ કરીને ગણતરીઓ કરી શકે છે. માઇક્રોસોફ્ટ કહે છે કે આ ટેકનીક થોડાં વર્ષોમાં મોટા ફેરફારો લાવી શકે છે.
મેજરાના 1 વિશેષ કેમ છે ? :-
મેજરાના 1 ચિપ ક્વોન્ટમ કમ્પ્યુટરને વધુ સ્થિર અને સ્કેલેબલ બનાવી શકે છે. આ ઇન્ડિયમ આર્ચેનાઇડ અને એલ્યુમિનિયમ જેવાં પદાર્થોથી બનેલી છે અને 8 ટોપોલોજીકલ ક્યૂબિટસનો ઉપયોગ કરે છે.
માઇક્રોસોફ્ટના વૈજ્ઞાનિકના જણાવ્યાં મુજબ, આ ડિઝાઇન ગૂગલ અને આઇબીએમ જેવી કંપનીઓનાં ક્વોન્ટમ કમ્પ્યુટર કરતાં વધુ વિશ્વસનીય હોઈ શકે છે. જો કે, વ્યવહારીક રીતે ઉપયોગમાં લેવાતા ક્વોન્ટમ કમ્પ્યુટર બનાવવા માટે વધુ સંશોધનની જરૂર પડશે.
અમેરિકા – ચીન વચ્ચે વધતી સ્પર્ધા :-
યુ.એસ. અને ચીન બંને ક્વોન્ટમ કમ્પ્યુટિંગમાં ભારે રોકાણ કરી રહ્યાં છે. આ તકનીક સાયબર સુરક્ષાને પણ અસર કરી શકે છે, કારણ કે ક્વોન્ટમ કમ્પ્યુટર્સ મજબૂત એન્ક્રિપ્શન તોડી શકે છે.
યુ.એસ.એ આ ટેકનીકના નિકાસ પર અનેક પ્રતિબંધો લાદ્યા છે અને સંરક્ષણ વિભાગનાં મહત્વપૂર્ણ પ્રોજેક્ટમાં માઇક્રોસોફ્ટનો સમાવેશ કર્યો છે. ચીન પણ આ ક્ષેત્રમાં ઝડપથી આગળ વધી રહ્યું છે, જેણે ટેકનીક પર વૈશ્વિક સ્પર્ધામાં વધારો કર્યો છે.
ભવિષ્યમાં કયા ફેરફારો થશે ? :-
માઇક્રોસોફ્ટ માને છે કે મેજરાના 1 ચિપ ક્વોન્ટમ કમ્પ્યુટર જળવાયું પરિવર્તનને મદદ કરી શકે છે, નવી સામગ્રીની શોધ કરી શકે છે અને જટિલ ગણતરીઓને હલ કરી શકે છે.
ઉદાહરણ તરીકે, તે સમુદ્રમાં હાજર હાનિકારક માઇક્રોપ્લાસ્ટીકને તોડવા અથવા પોતાને ઠીક કરતાં ઘટકો વિકસાવવામાં અસરકારક હોઈ શકે છે. જો કે, વ્યવહારિક ક્વોન્ટમ કમ્પ્યુટર બનવામાં હજુ સમય લાગશે, પરંતુ આ ટેકનીક વૈજ્ઞાનિક શોધોમાં ક્રાંતિ લાવી શકે છે.
