અમદાવાદ, ગુજરાત, 31 જાન્યુઆરી 2025: વૈશ્વિક સ્તરે વૈવિધ્યસભર અદાણી પોર્ટફોલિયોના ફ્લેગશિપ ઈન્ક્યુબેટ અદાણી એન્ટરપ્રાઈઝ લિમિટેડની પેટાકંપની અદાણી એરપોર્ટ હોલ્ડિંગ્સ લિમિટેડ સંચાલિત સરદાર વલ્લભભાઈ પટેલ ઈન્ટરનેશનલ એરપોર્ટે ટર્મિનલ-2 ખાતે કસ્ટમ્સ સ્ક્રીનિંગ રૂમ એટલે કે એક અદ્યતન ઇનલાઇન સ્ક્રીનિંગ રૂમ – બનાવ્યો છે, જે કસ્ટમ્સ અધિકારીઓને ઝડપથી અને કાર્યક્ષમ રીતે આગમન સામાનની તપાસ કરવા સક્ષમ બનાવશે.
કસ્ટમ્સ સ્ક્રીનિંગ રૂમ બેગેજ પ્રોસેસિંગની દેખરેખ રાખવા માટે CCTV મોનિટરિંગ સિસ્ટમથી સજ્જ છે. બેગેજ સ્ક્રીનિંગ સિસ્ટમ 0.5 મીટર/સેકન્ડની ઝડપે કાર્યરત અદ્યતન એક્સ-રે મશીનો સાથે સંકલિત છે, જે અગાઉના 0.12 મીટર/સેકન્ડ કરતા નોંધપાત્ર વધારો છે. તેનાથી મુસાફરો માટે ઝડપી બેગેજ રિક્લેમ અને કસ્ટમ્સની બેગેજ સ્ક્રિનિંગ પ્રક્રિયાની કાર્યક્ષમતામાં વધારો થાય છે.
તમામ આંતરરાષ્ટ્રીય બેગેજ આગમન લાઇનમાં ફેરફાર કરવામાં આવ્યો છે જેથી બેગ સ્વીકૃતિ અને અસ્વીકાર માટે ડાયવર્ટર સાથે ‘રિજેક્ટ’ લાઇનનો સમાવેશ થાય. આ નવતર સુવિધા કસ્ટમ્સ કર્મચારીઓને કન્વેયરને કારણે રિજેક્ટેડ બેગ રોકવા પડતા વિલંબને દૂર કરે છે, જેનાથી એકંદર બેગેજ હેન્ડલિંગની કાર્યક્ષમતામાં નોંધપાત્ર સુધારો થાય છે. પરિણામે આંતરરાષ્ટ્રીય મુસાફરો માટે બેગેજ રિક્લેમ પ્રક્રિયા વધુ સરળ બનશે.
આ અદ્યતન ટેકનોલોજી દ્વારા એક્સ-રેની સ્પીડમાં વધારો અને સુવ્યવસ્થિત પ્રક્રિયાઓ કસ્ટમ્સ કર્મચારીઓને બેલ્ટ દ્વારા તૈનાત રહેવાને બદલે સીધા કસ્ટમ્સ સ્ક્રીનીંગ રૂમમાંથી બેગની તપાસ ઝડપી અને કાર્યક્ષમ થશે. ઓછા સમયમાં વધુ જથ્થામાં સામાનની પ્રક્રિયા પૂરી થશે, મુસાફરો માટે રાહ જોવાનો સમય ઓછો થશે અને એકંદર મુસાફરીનો અનુભવ સુધરશે.
SVPI એરપોર્ટ પીક ટ્રાવેલ પીરિયડ્સને વધુ અસરકારક રીતે હેન્ડલ કરવા અને વ્યસ્ત સમયગાળા દરમિયાન પણ બેગેજ પ્રોસેસિંગ સરળ અને કાર્યક્ષમ બનાવવા માટે અદ્યતન ટેકનોલોજી અને ઑપ્ટિમાઇઝ્ડ વર્કફ્લોને જોડવા પ્રતિબદ્ધ છે.
