સુરતઃ નવસારીમાંથી એક ચોંકાવનારી ઘટના સામે આવી છે. પોલીસે 26 વર્ષીય યુવકની હત્યાના આરોપસર અટકાયત કરી છે. યુવક પર આરોપ છે કે તેણે સેક્સ બાદ તેના પાર્ટનરને લોહી નીકળતું જોયા છતાં એમ્બ્યુલન્સને ફોન કર્યો ન હતો. તે ઓનલાઈન ઈલાજ શોધતો રહ્યો હતો. આટલું જ નહીં તેણે ફરીથી સેક્સ કરવાનો પ્રયાસ પણ કર્યો હતો. પોલીસ અધિકારીઓએ પુષ્ટિ કરી છે કે ગંભીર ઇજાઓ અને વધુ પડતા રક્તસ્ત્રાવને કારણે યુવતીનું મૃત્યુ થયું હતું. પોલીસ આરોપી દ્વારા પુરાવાનો નાશ કરવા અંગે પણ તપાસ કરી રહી છે.
ફરીથી સેક્સ કરવાનો પ્રયાસ કર્યો
મળતી માહિતી મુજબ, સુરતને અડીને આવેલા નવસારી જિલ્લાના જલાલપોરના એક વ્યક્તિની મહિલા પાર્ટનરને સેક્સ દરમિયાન લોહી નીકળવા બાદ પણ બેદરકારી દાખવવા અને સારવાર માટે 108ને ફોન ન કરવા બદલ ધરપકડ કરવામાં આવી છે. પોલીસ સૂત્રોએ પણ પુષ્ટિ કરી છે કે આરોપીએ રક્તસ્ત્રાવ થવા છતાં ફરીથી સેક્સ કરવાનો પ્રયાસ કર્યો હતો. જલાલપોર પોલીસે તે વ્યકિત સામે અપરાધ હત્યા અને પુરાવાનો નાશ કરવાનો ગુનો નોંધ્યો છે.
