- ધારાવીના રહેવાસીઓ ધારાવી રિડેવલપમેન્ટ પ્રોજેક્ટની તરફેણમાં સૂત્રોચ્ચાર કર્યા
- પુનઃવિકાસ માટે સંપૂર્ણપણે એકજૂટ થયા હતા ધારાવીકર
- ધારાવી રિડેવલપમેન્ટ પ્રોજેક્ટનું ભૂમિપૂજન યોજાયું
- રેલ્વે સ્ટાફ ક્વાર્ટર્સ અને ઓફિસોનું બાંધકામ શરૂ કરતાં પૂર્વે પૂજા કરાઈ
મુંબઈ: બુધવારે ધારાવીમાં ધારાવી રિડેવલપમેન્ટ પ્રોજેક્ટના સમર્થનમાં જોરથી ઉત્સાહ અને તાળીઓના ગડગડાટ થયા હતા, જ્યારે ધારાવીના રહેવાસીઓ મોટી સંખ્યામાં શક્તિ વિનાયક મંદિર નજીક 90 ફીટ રોડ પર એકઠા થયા હતા. ધારાવીના પુનઃવિકાસમાં અડચણ ઉભી કરનારા બહારના લોકોના વિરોધમાં ધારાવીના સ્થાનિક રહેવાસીઓ બહાર આવ્યા હતા. ધારાવીના સ્થાનિક રહેવાસીઓએ પણ ધારાવી રિડેવલપમેન્ટ પ્રોજેક્ટના સમર્થનમાં સૂત્રોચ્ચાર કર્યા હતા અને પ્રોજેક્ટને ઝડપી બનાવવા માટે મીઠાઈઓ વહેંચી હતી. તેમણે રાજ્ય સરકારને આ પ્રોજેક્ટને ઝડપી બનાવવા અપીલ કરી હતી.
ગણપતિ ઉત્સવના આનંદભર્યા માહોલમાં ધારાવી રિડેવલપમેન્ટ પ્રોજેક્ટ પ્રાઇવેટ લિમિટેડ (DRPPL)એ ગુરુવારે સવારે માટુંગાના RPF મેદાનમાં ધારાવી રિડેવલપમેન્ટ પ્રોજેક્ટનો શિલાન્યાસ (ભૂમિપૂજન) કર્યો. સેક્ટર 6 નામના વિસ્તારમાં આયોજિત પૂજા, ધારાવી પુનઃવિકાસના ટેન્ડર દસ્તાવેજોમાં ફરજિયાત તરીકે, સરકારને સોંપવા માટેના રેલવેના સ્ટાફ ક્વાર્ટર્સ અને ઑફિસોના બાંધકામની શુભ શરૂઆત દર્શાવે છે.
ગુરુવારની પૂજા એટલા માટે મહત્ત્વપૂર્ણ છે, કેમકે ધારાવીના ઇતિહાસમાં એવું પહેલી જ વાર બન્યું છે કે તેનો પુનઃવિકાસ માત્ર વાતો નહીં રહીને નક્કર પગલાં તરફ આગળ વધ્યો છે. આની સાથે જ, ધારાવી પુનઃવિકાસ પ્રોજેક્ટે આધુનિક ધારાવી બનાવવા માટે એક મોટું પગલું ભર્યું છે, જે સ્થાનિક રહેવાસીઓના જીવનની ગુણવત્તામાં નોંધપાત્ર વધારો કરશે.
રહેવાસીઓએ જણાવ્યું હતું કે તેઓ રાજ્યમાં મહાયુતિ સરકાર દ્વારા અમલમાં મુકવામાં આવી રહેલા પ્રોજેક્ટ સાથે મક્કમપણે ઊભા છે. સ્થાનિક ધારાવિકરોએ જણાવ્યું હતું કે તેઓ ધારાવીમાં શરૂ થયેલા સરકારી સર્વેની સાથે મજબૂત રીતે ઊભા છે અને તે પુનઃવિકાસને વેગ આપવા માટે મદદ કરશે.
સ્થાનિક રહેવાસીઓએ જણાવ્યું હતું કે બહારના લોકો દ્વારા આયોજિત વિરોધમાં કોઈ ધારાવિકરે ભાગ લીધો ન હતો, કારણ કે વિરોધ નિહિત સ્વાર્થ દ્વારા યોજવામાં આવ્યો હતો. ધારાવીના પુનઃવિકાસને સુનિશ્ચિત કરવા માટે, ધારાવી ડેવલપમેન્ટ એસોસિએશને બુધવારે એક બેઠકનું આયોજન કર્યું હતું અને પુનઃવિકાસના સમર્થનમાં સૂત્રોચ્ચાર કર્યા હતા અને સરકારને આ પ્રોજેક્ટને વહેલી તકે અમલમાં મૂકવાની માંગ કરી હતી જેથી કરીને તમામ ધારાવીના રહેવાસીઓને તેમના સપનાના ઘરો જલ્દી મળી શકે.
સ્થાનિક રહેવાસી વિકાસ રોકડેએ જણાવ્યું હતું કે, “અમે પેઢીઓથી ધારાવીના પુનઃવિકાસની રાહ જોઈ રહ્યા છીએ. અમારી અપીલ છે કે આપણે બધાને વધુ સારા મકાનો અને ઉચ્ચ-વર્ગની સુવિધાઓ મળવી જોઈએ. અમે કહીએ છીએ કે અમે ધારાવીના પુનઃવિકાસ પ્રોજેક્ટને સંપૂર્ણ સમર્થન આપીએ છીએ.”
પુનઃવિકાસને ઝડપી બનાવવા અને સર્વસમાવેશક વિકાસ સુનિશ્ચિત કરવા માટે રાજ્ય સરકારની આગેવાની હેઠળ પાત્ર અને અપાત્ર રહેવાસીઓ નક્કી કરવા માટે ડોર-ટુ-ડોર સર્વે અગાઉથી જ ચાલુ છે. રાજ્ય સરકાર અને અદાણી જૂથ વચ્ચેનું સંયુક્ત સાહસ ડીઆરપીપીએલ, મહારાષ્ટ્ર સરકાર દ્વારા પરિકલ્પિત દિશામાં અગ્રેસર છે, જે 2030 સુધીમાં મુંબઈને ઝૂંપડપટ્ટી મુક્ત શહેર બનાવવાના મિશન પર છે.
ધારાવીનો પુનઃવિકાસ માત્ર સ્થાનિક રહેવાસીઓ અને ધારાવીમાં વ્યવસાય ધરાવતા લોકો માટે જ નહીં, પરંતુ સમગ્ર મુંબઈ માટે પણ મહત્ત્વપૂર્ણ છે. ઓછામાં ઓછા 10 લાખ લોકો, મોટાં, આધુનિક ઘરો અને અદ્યતન સુવિધાઓ મેળવવા માટે સજ્જ છે, જેનાથી તેઓ પેઢીઓથી વંચિત રહ્યા છે. પુનઃવિકાસથી ધારાવીમાં નાના પાયાનાં અનેક સાહસોને ફાયદો થશે, જેમણે એક સમૃદ્ધ અનૌપચારિક અર્થવ્યવસ્થાનું નિર્માણ કર્યું હોવા છતાં તેઓ અત્યંત ખરાબ સ્થિતિમાં જીવવા અને કામ કરવા માટે મજબૂર છે.
ડીઆરપીપીએલના એક સૂત્રએ જણાવ્યું હતું કે ગુરુવારની પૂજા ટેન્ડર શરતોને ધ્યાનમાં રાખીને અને આધુનિક ધારાવી બનાવવા માટે જૂથની પ્રતિબદ્ધતાનું પ્રથમ પગલું હતું. “અમે વિશ્વના સૌથી ગીચ વસ્તીવાળા ક્લસ્ટરોમાંના એકનો પુનઃવિકાસ કરી રહ્યા છીએ. અમે ધારાવીકરોને ‘કી ટુ કી’ એક્સચેન્જ પ્રદાન કરવા માટે પ્રતિબદ્ધ છીએ, જેમાં હાલના રહેવાસીઓને નિયત સમયમર્યાદામાં અને અસ્થાયી આવાસમાં સ્થળાંતર કર્યા વિના નવાં ઘરોની ખાતરી આપવામાં આવી છે, ” એમ સૂત્રએ જણાવ્યું હતું.
જ્યારે ટાઉનશીપના પુનઃસ્થાપનની વાત આવશે, ત્યારે ધારાવી રિડેવલપમેન્ટ પ્રોજેક્ટ, ભારતને વૈશ્વિક નકશા ઉપર મોખરે દર્શાવશે. રહેવાસીઓને રસોડા અને શૌચાલય સાથેના 350 ચોરસ ફૂટના આધુનિક ઘરો આપવામાં આવશે, અને તેમને શ્રેષ્ઠ કક્ષાના રસ્તાઓ, હોસ્પિટલો, શાળાઓ, ખુલ્લી જગ્યાઓ વગેરે જેવી સુવિધાઓ ઉપલબ્ધ બનશે. આ ઘરો મુંબઈમાં અન્ય કોઈપણ ઝૂંપડપટ્ટી પુનર્વસન પ્રોજેક્ટ કરતાં 17% વધુ જગ્યા ધરાવે છે.
ધારાવી પુનઃવિકાસ પ્રોજેક્ટ સમગ્ર દેશમાં સૌથી મહત્વપૂર્ણ પુનર્વિકાસ પ્રોજેક્ટ છે, જેમાં અપાત્ર ગણાતા લોકોને પણ ઘર આપવામાં આવશે. અપાત્ર રહેવાસીઓને બે પેટા શ્રેણીમાં વર્ગીકૃત કરવામાં આવ્યા છે: પહેલી જાન્યુઆરી, 2000થી પહેલી જાન્યુઆરી, 2011 સુધીના લોકોને પોસાય તેવા ભાવે માલિકીના આધારે ઘરો આપવામાં આવશે.
2011 પછીના આવાસ ધારકોને રાજ્ય સરકારની એફોર્ડેબલ રેન્ટલ હાઉસિંગ પોલિસી હેઠળ હાયર-પરચેઝના વિકલ્પ સાથે ઘરો આપવામાં આવશે. અપાત્ર રહેવાસીઓને આધુનિક ટાઉનશીપમાં રાખવામાં આવશે, જે મુંબઈમાં બનાવવામાં આવશે. ડીઆરપીપીએલના એક સૂત્રએ જણાવ્યું હતું કે, “આ નવી ટાઉનશીપ શાળાઓ, હોસ્પિટલો, બગીચાઓ અને સારા રસ્તાઓથી સજ્જ અત્યંત આધુનિક ટાઉનશીપ હશે.”
નોંધનીય છે કે ધારાવીમાં જ તમામ પાત્ર, બિન-પ્રદૂષિત ઉદ્યોગો અને વ્યાપારી સંસ્થાઓનું પુનર્વસન કરવામાં આવશે. રાજ્ય સરકારના એક સૂત્રએ જણાવ્યું હતું કે DRPPL આજીવિકા અને વ્યવસાયોને સુરક્ષિત રાખવા માટે દરેક સંભવિત વિકલ્પો શોધી અને તપાસી રહી છે.
“વધુ સારી માળખાકીય સવલતો ઉદ્યોગોને પોતાની સાહસિકતા વધારવામાં સક્ષમ બનાવશે, જ્યારે કૌશલ્ય અને ઉચ્ચ કૌશલ્ય કેન્દ્રો લોકોને નવું જ્ઞાન પ્રાપ્ત કરવામાં, શીખવામાં અને તેમની કમાણીની સંભાવના વધારવામાં મદદરૂપ બનશે. વધુમાં, ઉદ્યોગ-વ્યવસાયોને પાંચ વર્ષ માટે SGST રિઇમ્બર્સમેન્ટનો લાભ મળશે, જે તેમની વૃદ્ધિ અને ટકાઉપણાને વધુ ટેકો આપશે,” એમ DRPPL સૂત્રએ જણાવ્યું હતું.
