Apple iPhone 16 launch: iPhone 16ના કૅમેરાને નવા બટનને સ્લાઇડ કરીને નિયંત્રિત કરી શકાય છે. ફોનમાં એક નવું કંટ્રોલ બટન હશે જેને ટાસ્ક માટે કસ્ટમાઈઝ પણ કરી શકાય છે. iPhone 16 સાથે A18 Bionic ચિપસેટ આપવામાં આવી છે. તેમાં પહેલા કરતા વધુ સારું ન્યુરલ એન્જિન છે.
iPhone 16 અને iPhone 16 plusની ભારતમાં લોન્ચ કિંમત અને વિશિષ્ટતાઓ
iPhone 16ને 6.1 અને iPhone 16 Plusને 6.7 ઇંચની સ્ક્રીન સાઇઝમાં રજૂ કરવામાં આવ્યો છે. iPhone 16 સાથે નવું કેમેરા કંટ્રોલ બટન આપવામાં આવ્યું છે અને તેમાં વિઝ્યુઅલ ઈન્ટેલિજન્સ ફીચર પણ છે જે કેમેરા માટે છે. iPhone 16 સાથે બે રિયર કેમેરા છે જેમાં પ્રાથમિક લેન્સ 48 મેગાપિક્સલનો છે. તેમાં મેક્રો અને અલ્ટ્રા મોડ પણ છે. કેમેરો ડોલ્બી વિઝન સાથે 4K60 વિડિયો રેકોર્ડ કરી શકે છે.
iPhone 16 અને iPhone 16 Plus અલ્ટ્રામરીન, ટીલ, પિંક, વ્હાઇટ અને બ્લેક કલરમાં ઉપલબ્ધ થશે. આ 128GB, 256GB અને 512GB સ્ટોરેજ વિકલ્પોમાં આવશે. iPhone 16ની શરૂઆતની કિંમત 79,900 રૂપિયા હશે, જ્યારે iPhone 16 Plusની શરૂઆતની કિંમત 89,900 રૂપિયા હશે.
iPhone 16 અને iPhone 16 Plus બંને ફોનમાં A18 ચિપસેટ છે જે iOS 18 સાથે પણ આવે છે. બંને ફોનમાં AI સપોર્ટ છે. બંને ફોનમાં 2,000 nits ની પીક બ્રાઇટનેસ સાથે XDR OLED ડિસ્પ્લે છે. ડિસ્પ્લેમાં સિરામિક શિલ્ડ પ્રોટેક્શન છે. ફોનને IP68 રેટિંગ મળ્યું છે. iPhone 15 સિરીઝની જેમ બંને ફોનમાં 48-મેગાપિક્સલનો ડ્યુઅલ રિયર કેમેરા સેટઅપ છે. ફ્રન્ટ પર, બંને ફોનમાં 12-મેગાપિક્સલનો કેમેરા છે.
