- સામાન્ય લોકોને લોભામણી લાલચો આપી કરતા હતા ઠગાઈ
- બેંક એકાઉન્ટ ખોલાવી ઇન્સ્ટન્ટ કીટો-સીમકાર્ડ મેળવી લેતા
- દુબઇ ખાતેથી ઓનલાઈન દેશમાં સાયબર ક્રાઇમ આચરતા
- 6 આરોપીઓની સુરત સાયબર ક્રાઇમ પોલીસે ધરપકડ કરી
સુરતઃ અલગ-અલગ બેંકમાં નવા બેંક એકાઉન્ટો ખોલાવી તેની ઇન્સ્ટન્ટ કીટો તથા સીમકાર્ડ મેળવી લઇ દુબઇ ખાતે મોકલાવી ઠગાઈની નવી તરકીબ સામે આવી છે. દુબઇ ખાતેથી ઇન્ટરનેટના માધ્યમ દ્વારા દેશના જુદા જુદા ભાગોમાં સાયબર ક્રાઇમના ગુન્હા આચરવામાં મદદ કરતાં કુલ 6 આરોપીઓની સુરત શહેર સાયબર ક્રાઇમ સેલ પોલીસે ધરપકડ કરી છે.
પોલીસે તમામ આરોપીઓ પાસેથી 9 મોબાઈલ ફોન, 1 આઇપેડ, 16 કેનેરા બેંકની કીટ, 19 અલગ અલગ ડેબિટ કાર્ડ , 78 સીમકાર્ડ, 2 HDFC બેંક પાસ બુક, 6 કેનેરા બેંકના એકાઉન્ટ ઓપનીંગ ફોર્મ, 5 અલગ અલગ વ્યક્તિઓના આધારકાર્ડ અને 1 પાન કાર્ડ જપ્ત કર્યા છે. તે ઉપરાંત 11 આરોપીઓને વોન્ટેડ જાહેર કરવામાં આવ્યા છે.
