ગાંધીનગરઃ રાજ્યમાં દક્ષિણ ગુજરાત અને ઉત્તર ગુજરાતમાં સાયક્લોનિક સર્ક્યુલેશન સિસ્ટમ સક્રિય થયું છે અને મોન્સુન ટ્રફ પસાર થઈ રહ્યો છે. કચ્છ દ્વારકા જામનગર પોરબંદર જુનાગઢ સુરત નવસારી દમણ દાદરા નગર હવેલી વલસાડને રેડ એલર્ટ આપ્યું છે. અહીં છુટા છવાયા સ્થળે અત્યંત ભારે વરસાદની આગાહી આપવામાં આવી છે.
રાજકોટ મોરબી અમરેલી ગીર સોમનાથ ભાવનગર ભરૂચ વડોદરા પંચમહાલ દાહોદ છોટા ઉદેપુર નર્મદા તાપી ડાંગ બનાસકાંઠા પાટણને ઓરેંજ એલર્ટ આપવામાં આવ્યું છે. અહીં છૂટાછવાયા સ્થળોએ ભારેથી અતિ ભારે વરસાદની આગાહી છે.
સુરેન્દ્રનગર બોટાદ અમદાવાદ ગાંધીનગર મહેસાણા ખેડા આણંદ મહીસાગર અરવલ્લી સાબરકાંઠા દીવને યલો એલર્ટ આપવામાં આવ્યો છે. અહીં છુટાછવાયા સ્થળોએ ભારે વરસાદની આગાહી છે.
